Tramp namizədliyini bu gün elan edə bilər

ABŞ-ın keçmiş prezidenti Donald Tramp bu gün yerli vaxtla axşam saatlarında prezident seçkilərində iştirak edəcəyini rəsmən elan etməyi planlaşdırır.

Bu barədə Publika.az CNN-ə istinadla xəbər verir .

Tramp namizədliyini Ohayoda tərəfdarlarının mitinqində elan etməyi nəzərdə tutub. Amma bu məlumat etibarlı deyil, çünki eks-prezidentə Nümayəndələr Palatasına aralıq seçkilərə və qızının toyuna qədər gözləməyi tövsiyə ediblər.

Eyni zamanda, CNN qeyd edir ki, Tramp noyabrın 8-də parlamentin aşağı palatasına keçiriləcək seçkilərdə respublikaçıların mümkün yaxşı nəticələrindən yararlanmaq istəyir.

Xatırladaq ki, bir müddət əvvəl Amerika kütləvi informasiya vasitələrində Trampın prezident seçkilərində iştirakını Şükran gününə qədər (24 noyabr) elan etməyi planlaşdırdığı barədə məlumat yayılmışdı.

Telegramda izləyin