Çinin ən varlıları açıqlandı

Hurun Araşdırma İnstitutunun dərc etdiyi "Çin Zənginləri Siyahısı"nda Konq 455 milyard yuan (62,73 milyard dollar) sərvəti ilə siyahıda birinci yeri tutub.

Sonxeber.az xarici mətbuata istinadən xəbər verir ki, 2020-ci ildə Konq Çinin Alibaba internet şirkətinin qurucusu Cek Manı geridə qoyaraq ilk dəfə siyahıya başçılıq edir.
Bytedance internet şirkətinin qurucusu Cang Yiming 245 milyard yuan (33,78 milyard dollar) sərvəti ilə ikinci yeri tutub.
68 yaşlı Konqun sərvəti keçən illə müqayisədə 11 faiz artıb.

39 yaşlı Canqın sərvəti ötən illə müqayisədə 28 faiz azalsa da, onun reytinqdəki yeri qoruyub.
Siyahıda üçüncü yeri 230 milyard dollarlıq sərvətlə elektrikli avtomobillər və enerji saxlama sistemləri üçün litium-ion batareyaları istehsal edən CATL şirkətinin qurucusu Zing Yuçun tutub. 54 yaşlı Zinqin sərvəti keçən illə müqayisədə 28 faiz azalıb.
Şəxsi sərvəti 5 milyard yuanı (təxminən 700 milyon dollar) keçən şəxslərin yer aldığı siyahıya 1305 nəfər daxil olduğu halda, ötən ilki siyahıdan 293 ad çıxarılıb, onların yerinə 133 yeni ad əlavə edilib.

Siyahıdakı 411 adın sərvəti bu il və keçən il artdığı halda, 1187 sahibkarın sərvəti azalıb və ya sabit qalıb.

Hurun İnstitutunun prezidenti və hesabatın aparıcı tədqiqatçısı Rupert Hoogewerf, bu il siyahıda son 24 ildə həm insanların sayında, həm də ümumi sərvətdə ən böyük azalmanın şahidi olduğuna diqqət çəkdi.

Hoogewerf, qlobal iqtisadi tənəzzülün, Rusiya-Ukrayna müharibəsinin, texnologiya paylarının azalmasının və Kovid-19-dan sonra iqtisadi canlanmanın yavaşlamasının azalmada təsirli olduğunu şərh edib.

Şəbnəm Lətifi

Telegramda izləyin