ABŞ-da qasırğa fəlakəti gözlənilir

ABŞ-ın Florida ştatı bu gün quruya çatacağı gözlənilən Nikol qasırğasının mümkün fəlakətlərinə hazırlaşır.

Sonxeber.az xəbər verir ki, ABŞ-ın Florida əyalətində ara seçkiləri geridə qoyan səlahiyyətlilər quruya çatması gözlənilən Nikol qasırğasının səbəb ola biləcəyi mümkün sel və dağıntılara qarşı alınacaq tədbirlərə diqqət yetirilib.

Florida ştatının qubernatoru vəzifəsinə yenidən seçilən Ron DeSantis keçirdiyi mətbuat konfransında şiddətli fırtınaların "ən böyük narahatlıq doğurduğunu və elektrik enerjisində əhəmiyyətli fasilələr ola biləcəyini" söylədi.

DeSantis 16 min işçi, 600 mühafizəçi və 7 axtarış-xilasetmə qrupunun fövqəladə vəziyyətlərə hazır olduğunu bildirib.

Ehtiyat tədbiri olaraq bəzi hava limanlarında uçuşların ləğv edildiyini bildirən DeSantis, fırtına səbəbiylə iyirmidən çox bölgədə məktəblərin bağlandığını açıqladı.

Milli Qasırğa Mərkəzi (NHC) son yeniləməsində qasırğanın Baham adalarının şimal-qərbinə doğru irəlilədiyi və Florida ştatının West Palm Beach-dən təxminən 340 kilometr aralıda yerləşdiyi barədə məlumat paylaşıb.

Nikol qasırğası səbəbindən ştatın 34 əyalətində fövqəladə vəziyyət elan edilib.

ABŞ-ın keçmiş prezidenti Donald Trampın "Mar-a-Laqo" malikanəsi də yaxınlaşan fırtına səbəbindən təxliyyə edilməsi əmri verilən Palm Beach rayonunda yerləşir.

Tramp ailəsinin evakuasiya əmrinə əməl edib-etmədiyi bəlli deyildi.

Okeana 500 metrdən az məsafədə olan Mar-a-Laqo əvvəlki bir çox qasırğadan ciddi zərər görmədən sağ çıxmışdı.

ABŞ Aerokosmik Agentliyi (NASA) Floridaya yaxınlaşan yeni fırtına səbəbiylə sentyabr ayında İan qasırğası səbəbiylə təxirə saldığı "Artemis I" meqa raketinin buraxılışını təxirə salmağa qərar verdiyini açıqlayıb.

Florida ştatı sentyabrın 28-də "4-cü kateqoriyaya" çatan İan qasırğası ilə viran qalıb və yerli mənbələrə görə, 1935-ci ildən bəri ən şiddətli qasırğa səbəbindən ştatda ən azı 125 nəfər ölüb.

Şəbnəm Lətifi

Telegramda izləyin