Putin rus ordusunu tənqid edənləri vətəndaşlıqdan çıxarmağı təklif edib

Rusiya prezidenti Vladimir Putin Ukrayna müharibəsi ilə bağlı saxta xəbərlər yayan Rusiya vətəndaşları üçün təklif açıqlayıb. Təklif qanuna çevrilərsə, müxalif ruslar üçün çətin günlər başlayacaq.
Sonxeber.az RİA Novosti-ə istinadən xəbər verir ki, Putin aprel ayında qəbul edilən Rusiya vətəndaşlığı qanununa vətəndaşlığın ləğvi və buna qarşı cinayətləri ümumiləşdirən düzəlişlər təklif edib. Təklif olunan qanuna əsasən, Rusiya ordusu haqqında saxta xəbərlər yaymaqda təqsirli bilinən şəxslərin vətəndaşlığı ləğv edilə bilər. Təklifə əsasən, Rusiyanın ərazi bütövlüyünü pozmağa çağırış edənlər və "arzuolunmaz" təşkilatlara mənsub olanlar da Rusiya dövləti tərəfindən vətəndaşlıqdan məhrum edilə bilər.

Qeyd olunub ki, bu qanun dəyişikliyi anadangəlmə vətəndaş olan Rusiya vətəndaşlarını əhatə etməyəcək, yalnız sonradan Rusiya vətəndaşlığını almış şəxsiyyət vəsiqəsi sahiblərinə şamil ediləcək.

Rusiyalı deputatlar yeni qanun layihəsini tez bir zamanda parlamentdən keçirmək və imza üçün Putinin masasına qoymaq qərarına gəliblər.

Şəbnəm Lətifi

Telegramda izləyin