Zelenski Ərdoğan və Quterresə təşəkkür edib

Ukrayna prezidenti Zelenski Türkiyə prezidenti Ərdoğana və Birləşmiş Millətlər Təşkilatının (BMT) baş katibi Quterresə Qara dəniz taxıl dəhlizi sazişinin davam etdirilməsi ilə bağlı bu gün qəbul edilən qərara görə təşəkkür edib.

Sonxeber.az xəbər verir ki, Ukrayna prezidenti Vladimir Zelenski gecə saatlarında Telegram hesabında paylaşdığı gündəlik video mesajında ​​Türkiyə, BMT, Rusiya Federasiyası və Ukrayna arasında alınan qərara uyğun olaraq Qara dəniz taxıl dəhlizi sazişinin uzadılmasını dəyərləndirib.

Sözügedən razılaşmaya əsasən, Qara dənizdən taxıl məhsullarının daşınmasının davam edəcəyini bildirən Zelenski, "Bütün çətinliklərə və Rusiyanın manipulyasiyalarına baxmayaraq, Qara dəniz limanlarımızdan kənd təsərrüfatı məhsullarını ixrac etməyə davam edəcəyik.Mən şəxsən BMT-nin baş katibi Quterreşə, Türkiyəyə və prezident Ərdoğana təşəkkür edirəm ",- deyə Zelenski bildirib.
Zelenski bildirib ki, taxıl təşəbbüsü sayəsində avqustun 1-nə kimi 450-dən çox gəmi ilə Ukraynanın Odessa vilayətinin limanlarından ümumilikdə 11 milyon ton ərzaq məhsulları ixrac edilib.

Rusiyanın bu gün Ukraynaya qarşı hava hücumları həyata keçirdiyini bildirən Zelenski hücumlar nəticəsində 7 mülki vətəndaşın həyatını itirdiyini və bu sayın arta biləcəyini bildirib.

Bu gün baş verən hücumlarda Ukraynada enerji infrastrukturlarının zədələndiyini bildirən Zelenski, başda paytaxt Kiyev olmaqla ölkənin müxtəlif bölgələrində 10 milyondan çox insanın işıqsız qaldığını qeyd edib.

Şəbnəm Lətifi

Telegramda izləyin