İran prezidenti və Qətər əmiri telefon danışığı aparıb

İran prezidenti İbrahim Rəisi və Qətər əmiri Şeyx Təmim bin Həmid Əl Sani iki ölkə arasında "iqtisadi, siyasi, sosial və mədəni" məsələləri müzakirə ediblər.
Sonxeber.az xəbər verir ki, İranın rəsmi İRNA agentliyinin məlumatına görə, İran prezidenti Rəisi Qətər əmiri Şeyx Təmim ilə telefon danışığı aparıb.

Reisi iki ölkə arasında iqtisadi, siyasi, sosial və mədəni əlaqələrin inkişaf etdirildiyini vurğulayaraq, razılaşmalara istənilən nəticəyə çatana qədər riayət edilməsinin vacibliyinə diqqət çəkib.

FİFA 2022 Dünya Çempionatını uğurla təşkil etdiyinə görə Qətər hökumətini təbrik edən prezident Rəisi ölkənin İslam dəyərlərinə hörmətlə bağlı səylərini də yüksək qiymətləndirdiyini vurğulayıb.

Qətər əmiri də iki ölkə arasındakı münasibətləri dostluq adlandırıb, bu əlaqələri inkişaf etdirmək istədiklərini və razılaşmaların həyata keçirilməsinin zəruriliyini bildirib.

Şəbnəm Lətifi

Telegramda izləyin