Eduard Məmmədov sevgilisinin ad günündə

"Ağ Canavar" ləqəbli azərbaycanlı kikboksçu Eduard Məmmədov yeni eşqə başlayıb.

OLAY yazır ki, məşhur idmançı bir müddətdir stilist Şəhanə Mehrəliyeva ilə sevgilidir. Hətta, E. Məmmədov ötən gün Ş. Mehrəliyevanın ad günündə iştirak edib. 26 qat dünya çempionu ciddi münasibətə başladığı stilisti özəl günündə tək qoymayıb.

Onların səmimi görüntüləri ad günündə iştirak edən qonaqlar tərəfindən sosial şəbəkələrdə paylaşılıb.

Eyni zamanda, E. Məmmədov sevgilisinə ad günündə boyunbağı hədiyyə edib. Bu barədə stilist instaqram hesabında məlumat verib, hədiyyənin videosunu paylaşaraq idmançıya təşəkkür yazıb.

Qeyd edək ki, Eduard Məmmədov bir dəfə ailəli olub və ayrılıb. Onun bu nikahdan əkiz övladı dünyaya gəlib.

Telegramda izləyin