Gənc oğlan atasına cavab qaytaran arvadını çubuqla döydü - TƏFƏRRÜAT
Balakən rayonunda 1991-ci il təvəllüdlü Səlim ailə münaqişəsi zəminində həyat yoldaşı Bahara (adlar şərti verilib – red.) xəsarət yetirib.
Sonxeber.az demokrat.az-a istinadən xəbər verir ki, hadisə 28 aprel 2022-ci ildə, saat 21 radələrində baş verib.
Səlimin fərdi yaşayış evində onunla birlikdə yaşayan Baharla aralarında şəxsi münasibətlər zəminində mübahisə yaranıb. Mübahisə zamanı arvadını qəsdən şillə, yumruq və çubuqla vuraraq ona xəsarətlər yetirib.
İstintaq orqanı tərəfindən Səlimin barəsində Cinayət Məcəlləsinin 128-ci (qəsdən sağlamlığa xəsarət yetirmə) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Səlim ona elan olunmuş ittiham üzrə özünü təqsirli bilib. O bildirib ki, 2019-cu ildə Bahar ilə ailə qurub:
"Həmin evlilikdən bizim iki azyaşlı uşağımız var. Mən Bahar ilə valideynlərimin yaşadığı evdə ayrı otaqda yaşayıram".
Səlim qeyd edib ki, hadisə günü, saat 21 radələrində evdə olduğu zaman atası Əli ilə arvadı Bahar arasında mübahisə yaranıb:
"Mübahisə zamanı arvadım atama söz qaytardı. Buna görə də şillə və yumruqla Baharın sifətinə vurdum. Sonra isə uşaq beşiyinin altında istifadə edilən 1 metr uzunluqda çubuğu götürərək Baharın bədəninin müxtəlif nahiyələrinə vuraraq xəsarət yetirdim. Həmin zaman evdə atamdan başqa şəxs olmayıb".
O, əlavə edib ki, əməlindən peşmandır və zərərçəkmiş şəxslə barışmaq istəyib.
Cinayət işi üzrə zərərçəkmiş qismində ifadə verən Baharın sözlərinə görə, hadisə günü yaşadığı evdə qayınatası ilə aralarında mübahisələri yaranıb:
"Qayınatam mənim valideynlərimin ünvanına nalayiq sözlər işlətdi. Bu zaman ərim başıma, sifətimə yumruqla, uşaq beşiyinin yanından asılmış çubuq ilə isə qoluma, ayağıma vuraraq xəsarət yetirdi. Döyüləndən sonra həyətə, oradan isə qonşuya qaçdım. Qonşulardan kimsənin çıxmadığını görərək geri qayıtdım. Həyətdə ərim məni yerə yıxaraq yumruqla başıma vurdu və sonra yola çıxararaq qapının arxasını bağladı".
Zərərçəkmiş qeyd edib ki, əri onun başına, qoluna, ayaqlarına, sifətinə yumruq-şillə və çubuqla vuraraq döydüyü zaman qayınatası kənarda dayanaraq onlara tamaşa edib.
Bu cinayət işinə Balakən Rayon Məhkəməsində baxılıb.
Məhkəmənin hökmü ilə Səlim aylıq qazancının 15 faizi məbləğində dövlət nəfinə tutulmaqla 6 ay müddətinə islah işləri cəzаsınа məhkum edilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Alış-veriş mərkəzindəki məşhuru görənlər gözlərinə inanmadı - VİDEO
XƏBƏRDARLIQ! Bu tarixdən havanın temperaturu KƏSKİN DƏYİŞƏCƏK
Verilişi bağlanan Xoşqədəm özünə yeni "İŞ TAPDI" - VİDEO
Samir Şərifova yeni vəzifə verildi - SƏRƏNCAM
Repetitorsuz hazırlaşaraq 300 bal topladı
Əməliyyatdan 12 gün sonra ölən Adilin ailəsi - Həkimdən şikayətçidir
"Səmadan düşən tabut"un sirri 127 il sonra açıldı: Həqiqi yaşı nə qədərdir?
"2 ailəm də xəyanətə görə DAĞILDI"
Karlo Ançelotti Çempionlar liqasının favoritini açıqladı
Balkonda belə görüntüləndi, əməliyyatla saxlanıldı - VİDEO
Tualet çökdü, turist qadın 2 metr dərinlikdəki bataqlığa düşdü
Elvin Cəfərquliyevlə bağlı YENİ XƏBƏR - "Neftçi"yə gedir
Marsda həyat olub? - Tarixi KƏŞF
Diş ağrısı ilə getdi, 25 dişindən oldu
Ayda yeni kəşf: Çinli alimlər 2 yeni mineral tapdı