"Bu terror aktı İran-Azərbaycan münasibətlərinin mənfiyə doğru getməsinə xidmət edir" -Nəsib Məhəməliyev

"Bu hadisə İran-Azərbaycan münasibətlərində gərginliyin artırılmasına, həm siyasi, həm iqtisadi, həm mədəni münasibətlərin mənfiyə doğru getməsinə xidmət edir. Hadisəni törədənlərlə yanaşı, istiqamətləndirənlər, təşkil edənlər, ideoloji rəhbərləri araşdırılıb tapılmalıdır".

Bu sözləri Milli Məclisin deputatı Nəsib Məhəməliyev Tehrandakı Azərbaycan səfirliyinə hücumla bağlı Sonxeber.az-a açıqlamasında deyib.

Deputat həmçinin bildirib ki, terror aktı Azərbaycanın hüquq mühafizə orqanları ilə birgə araşdırılmalıdır. Bizim hüquq mühafizə orqanlarımızın iştirakı təmin olunmalı və cinayətkarlar öz cəzalarını mütləq şəkildə almalıdır:

"Tehran şəhərində Azərbaycanın İrandakı səfirliyinə xəyanətkar hücumu qətiyyətlə pisləyirəm. Hesab edirəm ki, bu hadisə terror aktıdır. Bu hadisə İran-Azərbaycan münasibətlərində gərginliyin artırılmasına və siyasi, iqtisadi, mədəni münasibətlərin mənfiyə doğru getməsinə xidmət edir. Hadisəni törədənlərlə yanaşı, istiqamətləndirənlər, təşkil edənlər, ideoloji rəhbərləri araşdırılıb tapılmalıdır. Terror aktı Azərbaycanın hüquq mühafizə orqanları ilə birgə araşdırılmalıdır. Bizim hüquq mühafizə orqanlarımızın iştirakı təmin olunmalı və cinayətkarlar öz cəzalarını mütləq şəkildə almalıdır. İranın ənənəvi siyasətinə fikir versək, ola ilər müxtəlif qrupların üstünə ata bilərlər. Ancaq fakt ondan ibarətdir ki, Vyana konvensiyasına uyğun şəkildə səfirlik, konsulluq, diplomatik nümayəndəliyin təhlükəsizliyi onların fəaliyyət göstərdiyi ölkələr tərəfindən təmin olunmalıdır.Ona görə də İran dövləti məsuliyyət daşıyır və mütləq şəkildə cinayətkarları tez bir zamanda tapıb cəzalandırılmasını təmin etməlidir.
Ermənistan elə bir gücə malik dövlət deyil ki, İranın daxilində terror törətmək imkanı olsun. Ermənistanın İranla o qədər yaxın münasibətləri var ki, İranda terror törətməsinə ehtiyac yoxdur. Ermənistan terror dövlətidir. Ermənistan erməni xalqının yaratdığı ASALA və digər terror təşkilatlara dəstək verib. İran ərazisində terror törətdiyinə inanmıram. Amma Ermənistanın terror dövləti olmasını nəzərə alsaq bu hadisənin arxasında onların olması istisna deyil".

Şəbnəm Lətifi

Telegramda izləyin