Azərbaycanın Tehrandakı səfirliyinə hücum 50 il əvvəl baş verənlərlə bağlıdır? - VİDEO

Bildiyimiz kimi, bu gün səhər saat 08:30 radələrində Azərbaycanın Tehrandakı səfirliyinə silahlı hücum edilib.

Hücum dəf edilərkən Azərbaycan hüquq-mühafizə orqanlarının səfirliyin mühafizəsinə cavabdeh olan əməkdaşı, mühafizə xidmətinin rəhbəri Orxan Əsgərov qəhrəmancasına həlak olub, daha iki nəfər isə yaralanıb.

Hadisəylə bağlı yayılan görüntülərdə Yasin Hüseynzadə adlı orta yaşlı kişinin içəri daxil olduğu, mühafizə xidmətinin otağında silahını çıxararaq atəş açdığı görünür. Daha sonra hücum edən şəxs içəridəki digər səfirlik əməkdaşı tərəfindən zərərsizləşdirilib.

Hazırda hücumla bağlı araşdırma gedir.

BiG.AZ xəbər verir ki, daim qısa və maraqlı süjetləri ilə tanınan "Belə-belə işlər" platforması bu hücumun 50 il öncə baş verən digər qanlı hadisə ilə bağlılığı barədə sual yaradan material hazırlayıb.

Məlumata əsasən, 27 yanvar ilk türk diplomatın şəhid edilməsindən 50 il ötür.

Belə ki, 27 yanvar 1973-cü il tarixində erməni Qurgen Yanikyan ABŞ-da türk diplomatlar Mehmet Baydar və Bahadur Demiri qətlə yetirib.

27 yanvar 2020-ci il tarixində terrorçu Yanikyanın fotosu İrandakı səfirliyimizin önündən asılıb.

İrandakı hücumun bu tarixlə bağlı olduğu da ehtimal edilir.

Telegramda izləyin