Türkiyədə zəlzələdə ölənlər arasında azərbaycanlılar var? - RƏSMİ AÇIQLAMA

"Hazırda araşdırma aparılır. Bir məlumat olmadığı üçün açıqlama verə bilmirik. Baş konsulluqda və eyni zamanda Ankarada Türkiyə səfirliyimizdə qaynar xətlər yaradılıb. Və hələlik zəlzələdə ölənlər və xəsarət alanlar arasında azərbaycanlıların olub-olmadığı barədə məlumat daxil olmayıb".

Bunu BiG.AZ-a açıqlamasında Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə deyib.

O bildirib ki, Azərbaycanın Türkiyədəki diplomatik nümayəndəliklərinə vəziyyətlə bağlı sorğu göndərilib:

"Eyni zamanda Türkiyənin aidiyyatı orqanlarına da sorğu ünvanlanıb ki, hər hansı məlumat olacağı təqdirdə bizim tərəfə məlumat verilsin. Amma indi ətraflı bir məlumat yoxdur. İndiki məqamda bununla bağlı açıqlama verə bilmirik".

Qeyd edək ki, səhər saatlarında Türkiyənin cənub-şərqində 7,4 bal gücündə güclü zəlzələ baş verib. Nəticədə ölənlərin sayı 284-ə çatıb, 2323 nəfər yaralanıb.

Telegramda izləyin