"Səfirliyimizə təşkil edilən hücumdan sonra İrandan hər cür xəyanət gözləmək olar" - DEPUTAT

"İran işğalçı bir ölkə ilə bizə qarşı hər hansı təxribata əl atmamışdan öncə yaxşı düşünməlidir".

Bunu Sonxeber.az-a danışan deputat Cavanşir Paşazadə bildirib.

Deputat vurğulayıb ki, ötən gün mətbuatda İran və Ermənistanın birlikdə Azərbaycana hücuma hazırlaşması xəbərini oxudum:

"İran və Ermənistan tarix boyu terrorçu qruplar yetişdirən ölkələrdir. Bilirsiniz ki, İranın SEPAH, HİZBULLAH, Ermənistanın isə ASALA, ASOA, AOD və başqa terror təşkilatlatları saysız-hesabsız cinayətləri ilə məşhurdur. Təəssüf ki, bu terrorçu ölkənin hər ikisi də bizimlə qonşudur. Heç kəsə sirr deyil ki, terror təşkilatlarından öz çirkin ideologiyasını yaymaq istiqamətində molla rejimi geniş təcrübəyə malikdir. Tarix boyu Ermənistan Azərbaycan xalqına qarşı misli görünməmiş barbarlıq, vandalizm və soyqırımlar törədibdir".

Deputat vurğulayıb ki, 90-cı illərin əvvəllərində ölkəmizdəki xaosdan istifadə edən Ermənistan havadarlarının köməyi ilə torpaqlarımızın 20 faizi işğal etmişdi:

"Lakin ulu öndər Heydər Əliyev xalqın istəyi ilə yenidən hakimiyyətə qayıtdıqdan sonra qanunsuz silahlı silahlı qüvvələr ləğv edilərək, nizami ordunun formalaşdırılması istiqamətində addımlar atılmağa başladı. Qısa müddət ərzində vahid komandanlığa tabe olan ordu formalaşdırıldı. Ordunun peşəkar kadrlarla təmin olunması, texniki təchizatının yaxşılaşdırılması istiqamətlərində ciddi qərarlar qəbul edildi".

Deputat söyləyib ki, ulu öndərin ordu quruculuğu sahəsində başladığı siyasət bu gün cənab prezident İlham Əliyev tərəfindən uğurla davam etdirilir:

"Cənab prezidentin rəhbərliyi ilə dövründə yetişən gənc mərd və vətənpərvər oğullarımız 44 günlük Vətən müharibəsi dövründə düşmənə layiq olduğu dərsi verərək, Qarabağı öz sahibinə geri qaytardı. Təəssüf ki, 44 günlük Vətən müharibəsində və ondan sonrakı dövrdə İran hökuməti işğalçını dəstəkləyən açıqlamalar verir, addımlar atdı.Tehranda səfirliyimizə edilən hücum da səbrimizi daşıran son damla oldu. Əslində Tehrandakı səfirliyimizə təşkil edilən xain hücumdan sonra İrandan hər cür təxribat gözləniləndir.

Bu gün Azərbaycan ordusu dövlətimizə qarşı yönəlmiş bütün təxribatların qarşısını almaq gücünə malikdir. İran işğalçı bir ölkə ilə bizə qarşı hər hansı təxribata əl atmamışdan öncə yaxşı düşünməlidir. Çünki İrana Azərbaycan dövləti ilə düşmən olmaq heç də xeyir gətirməz".

Aysel Yusifqızı

Telegramda izləyin