"Gəlin aksiya edək... Göndərilməyən əşyalar varsa, ehtiyac duyanlara bağışlayın"

28 yaşlı bloqer Günel Rəhimova vətəndaşlarımıza səslənib.

BiG.AZ xəbər verir ki, o, şəxsi "İnstagram" səhifəsinin "Hekayələr" bölməsində Türkiyəyə yardım üçün yığılan əşyaların həddən artıq çoxluğu barədə paylaşımlara münasibət bildirib.

Belə ki, sosial şəbəkə istifadəçilərindən biri "Az öncə Əl Oyunları Sarayının qarşısında idim. Yığılan əşyalar o qədər çoxdur ki, yola qədər gəlib çatır. Göndərilməyən əşyalar varsa, ehtiyac duyanlara bağışlayın. Hamımız bilirik ki, rayonlarda, elə Bakıda da şəraitsiz yaşayan insanlar var. Sadəcə nəzərimizdə saxlayaq" sözlərini yazıb.

Rəhimova bu sözləri dəstəkləyərək əhaliyə çağırış edib:

"Bunu nə qədər adam yazır.

Gəlin aksiya edək. Türkiyədəki insanlar kimi, bizim öz torpağımızda da çətin vəziyyətdə olan insanlarımız var. Onsuz da Türkiyə üçün yetərli geyim göndərilib. Hazırda onlara yemək lazımdır. Əl Oyunları Sarayında artıq olan nə qədər geyim, yorğan, yastıq varsa, öz yurdumuzun insanı da gedib ondan yararlansın. Kimin ehtiyacı varsa, getsin onlar da götürsün".

Telegramda izləyin