30 ildir bağlı olan Türkiyə-Ermənistan sərhədindən humanitar yardım keçirildi

Türkiyənin cənub-şərqində baş verən 7,7 bal gücündə zəlzələyə görə Ermənistanın göndərdiyi humanitar yardımdan ibarət 5 yük maşını bu gün Türkiyə-Ermənistan sərhədindən keçib.

Sonxeber.az xəbər verir ki, bu barədə Türkiyə Böyük Millət Məclisinin erməni əsilli deputatı Qaro Paylan öz sosial media hesabında məlumat verib.

"Ermənistan və Türkiyə arasında 30 ildir bağlı olan Alican sərhəd xəttindən humanitar yardım dolu 5 yük maşını keçdi. Bu böyük fəlakətdən yaxşılıqlar da çıxaraq. Həmrəylik yaşadır" ,- deyə deputat qeyd edib.

Qeyd edək ki, Ermənistan Baş naziri Nikol Paşinyan Türkiyə prezidenti Rəcəb Tayyib Ərdoğana başsağlığı verib və hazırda erməni xilasedicilər Adıyaman bölgəsində xidmət edirlər.

Şəbnəm Lətifi

Telegramda izləyin