"Ermənistanın Türkiyəyə yardımı Ermənistan və Azərbaycan arasında sülhə implus verə bilər" - RƏY

Türkiyənin şimal-şərqində baş verən 7,7 bal gücündə baş verən zəlzələyə görə Ermənistan Türkiyəyə humanitar yardım və xilasedici qrup göndərib. 30 ildir bağlı olan Türkiyə-Ermənistan sərhəd məntəqəsindən humanitar yardım keçirilib.

Bununla bağlı Sonxeber.az-a danışan politoloq Qabil Məmmədli bildirib ki, bu yardım münasibətlərin normallaşması üçün müəyyən təsirlər yaradır. Humanitar yardımın Türkiyə və Ermənistan arasında Əlican sərhəd məntəqəsindən keçməsi Ermənistan-Türkiyə münasibətlərinə təsir etməklə bərabər, Ermənistan və Azərbaycan arasında sülh yaratma prosesinə də impluslar verə bilər.
"Ermənistanın Türkiyəyə humanitar yardım və xilasedici qrup göndərməsi normal hadisədir və münasibətləri həll edən hərəkətdir. Siyasi elita, istər Baş nazir, istər prezident, istər parlament sədri mətbuata verdikləri bəyanatda müsbət fikirlər səsləndirdilər. Bu, çox vacib bir şeydir. Xüsusilə də humanitar yardımın Türkiyə və Ermənistan arasında Əlican sərhəd məntəqəsindən keçməsi ciddi hadisədir. Zənnimcə, baş verən hadisələr həm tarixə düşür, həm də münasibətlərin normallaşması üçün müəyyən təsirlər yaradır. Bu Ermənistan-Türkiyə münasibətlərinə təsir etməklə bərabər, Ermənistan və Azərbaycan arasında sülh yaratma prosesinə də impluslar verə bilər" ,- deyə politoloq bildirib.

Qeyd edək ki, Ermənistanın göndərdiyi xilasedici qrup Adıyamanda xidmət edir və türk xilasedicilərlə birlikdə 8 yaşlı qızı dağıntılar altından xilas ediblər.

İstiqamət: Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi

Material Azərbaycan Respublikasının

dəstəyi ilə hazırlanmışdır.

Şəbnəm Lətifi

Telegramda izləyin