"Ermənistan Xankəndi və Bakı arasında müzakirələrin aparılmasının tərəfdarıdır" - Armen Qriqoryan

"Ermənistan Dağlıq Qarabağdakı ermənilərin hüquqları və təhlükəsizliyi ilə bağlı beynəlxalq səviyyədə görünən mexanizmin bir hissəsi kimi Xankəndi və Bakı arasında birbaşa müzakirələrin aparılmasının tərəfdarıdır və hazırda işlənməkdə olan sülh müqaviləsində bu mexanizmə yer ala bilər".
Sonxeber.az xəbər verir ki, ErmənistanTəhlükəsizlik Şurasının katibi Armen Qriqoryan deyib.
"Ermənistan görünən beynəlxalq mexanizmin bir hissəsi kimi birbaşa Xankəndi -Bakı müzakirələrinin aparılmasının tərəfdarıdır. Ermənistan isə bu mexanizmin reallaşması üçün beynəlxalq tərəfdaşlarla işləməyə davam edir. Bu mexanizm ətrafında danışıqların davam etdiyi sülh müqaviləsində qeyd oluna bilər. Başqa beynəlxalq təşkilatların formatında da ola bilər. Aydın deyil, bu, müzakirə mövzusudur", - deyə Qriqoryan bildirib.

Qriqoryan qeyd edib ki, Ermənistan hazırda Azərbaycanın göndərdiyi təkliflər üzərində işləyir. Qriqoryan mətnin ən qısa zamanda hazır olacağına və Ermənistanın Azərbaycana çatdıracağına inandığını bildirib.

Şəbnəm Lətifi

Telegramda izləyin