Ermənistan Azərbaycana sülh müqaviləsi ilə bağlı təkliflərini göndərib

Ermənistan Azərbaycana sülh müqaviləsi ilə bağlı təkliflərini göndərib.

Sonxeber.az Armenpress-ə istinadən xəbər verir ki, bunu Ermənistanın Baş naziri Nikol Paşinyan deyib.

O bildirib ki, təkliflər ATƏT-in Minsk qrupunun həmsədr ölkələrinə də göndərilib.

"Dünən Ermənistan Respublikası Azərbaycanla sülh və münasibətlərin qurulması haqqında müqavilə layihəsinin növbəti mərhələsinin işini başa çatdırıb və bizim təkliflərimiz Azərbaycan tərəfinə çatdırılıb. Biz sənədi ATƏT-in Minsk Qrupunun həmsədr ölkələrinə də çatdırdıq", - deyə baş nazir Paşinyan bildirib.

Paşinyan əlavə edib ki, sənəd Azərbaycan üçün də məqbul olmalıdır.

Paşinyan bir daha özünün və hökumətin davamlı sülhün qarantına çevriləcək sülh müqaviləsini tezliklə imzalamaq öhdəliyini ifadə edib. O, bu məsuliyyəti daşımağa hazır olduğunu bildirib.

Şəbnəm Lətifi

Telegramda izləyin