"Paşinyan yaxşı olar ki, havadarlarının deyil də cənab prezident İlham Əliyevin məsləhətlərinə qulaq assın" - DEPUTAT

"Ermənistan səhvlərindən nəticə çıxarmaq əvəzinə revanşist addımlar atmaqda davam edir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, bu gün Ermənistan revanşist addımları ilə sülh müqaviləsinin imzalanmasına maneələr yaradır:

"Ermənistanın bu addımları bizi təəccübləndirmir. Çünki 30 il ərzində Ermənistan bu addımları ilə mövcud status-kvonu qoruyub saxlamağa çalışıb. Heç kəsə sirr deyil ki, Ermənistan bu məsələdə öz havadarlarına güvənir. Amma bu oyunlar artıq keçərli deyil. Azərbaycanın dəyişməyən iradəsi Paşinyan hakimiyyətini sülh müqaviləsi barədə danışmağa vadar edir. Ermənistan yaxşı anlayır ki, Azərbaycanla oyun oynamaq olmaz".

Deputat vurğulayıb ki, Paşinyan müxtəlif hiylələrlə sülh müqaviləsini imzalamaqdan boyun qaçırmağa çalışır:

"Paşinyanın sülh müqaviləsindən imtina etməsi Ermənistanın sonu deməkdir. Çünki Azərbaycan bu məsələdə geri çəkilməyəcək və Paşinyan sülh müqaviləsini imzlamalı olacaq. Ermənistanın sülh müqaviləsindən imtinası onun bir ölkə kimi xəritədən silinməsinə səbəb ola bilər. Ona görə də Paşinyan yaxşı olar ki, havadarlarına deyil də, cənab prezident İlham Əliyevin məsləhətlərinə qulaq assın".

Aysel Yusifqızı

Telegramda izləyin