Deputatın tənqidinə spiker etiraz etdi: "Bununla bağlı nazir müavininə sual vermişdiniz?"

"Bu gün gənclər arasında arzu etdikləri iş yerləri ilə bağlı sorğu keçirsək, aldığımız cavablar əsasən xəstəxana, məktəb, polis, dövlət qulluğu və özəl sektor olacaq. Ancaq heç kim bələdiyyədə işləmək istədiyini deməyəcək. Bax, budur cəmiyyətdə bələdiyyələrə qoyulan hörmət və nüfuz".

Sonxeber.az xəbər verir ki, bunu Milli Məclisin bu gün keçirilən iclasında bələdiyyələrin fəaliyyətinə inzibati nəzarəti həyata keçirən orqanın illik məruzəsinin müzakirəsi zamanı deputat Kamran Bayramov deyib.

Millət vəkili xatırladıb ki, növbəti bələdiyyə seçkilərinə cəmi iki il qalıb: "Bu cür vəziyyətlə bələdiyyələrə seçilməyə və seçməyə kim gedəcək?! Ona görə də nə qədər vaxt var, bələdiyyə sistemində köklü və əsaslı islahatalar aparmaq lazımdır. Bələdiyyələrin sayı birləşmə yolu ilə azaldılmalıdır".
Ətraflı

Spiker Sahibə Qafarova deputata bu fikirlərinin komitə iclasında səsləndirməsilə bağlı sual verib: "Çünki sizin çıxışınızda tənqidi məqamlar var. Bununla bağlı ədliyyə nazirinin müavini Vilayət müəllimə sual vermişdiniz?".

Kamran Bayramov qeyd edib ki, məruzə ilə bağlı təkliflər irəli sürüb.

Telegramda izləyin