Ata qızını qaçırdıb 500 min dollara ərə vermək istədi

ABŞ-da 50 yaşlı Xalid Abuqhanem 32 yaşlı oğlu Valid ilə birlikdə Nyu-York ştatının Buffalo şəhərində yaşayan qızını qaçırdaraq Yəməndə məcburi ərə vermək istəyib.

BiG.AZ xəbər verir ki, bu brədə ABŞ Ədliyyə Nazirliyinin saytında yazılıb.

Qızın ata və qardaşı bu toy müqabilində 500 min dollar almağı, qız imtina etdiyi halda isə, onu öldürməyi düşünüblər.

Belə ki, 2021-ci ilin sentyabrında qız ailəsinin icazəsi olmadan Meksikaya yollanıb, lakin qohumları onu taparaq ABŞ-a qaytarıblar. Atası onun getdiyi yerləri nəzarətdə saxlayacağını, sözünə qulaq asmadıqda isə öldürəcəyini deyərək hədələyib.

Qız ev dustağına çevrilib, universiteti atmaq məcburiyyətində qalıb və ona internetdən istifadə qadağan edilib. Qıza əli çatmayan sevgilisi polisə müraciət edib. Hüquq-mühafizə orqanlarının əməkdaşları bir neçə dəfə qurbanın ailəsinə zəng edib, onlar da qızın yaxşı və salamat olduğunu deyiblər. FTB yalnız 2022-ci ilin dekabr ayında istintaqı başladıb.

Hazırda qız Yəməndə qohumlarının nəzarəti altındadır. O, məcburi evliliyə razı olmayıb.

2022-ci ilin aprel ayında ABŞ-a qayıdan Xalid və Valid fevralın 17-də həbs olunublar.

Onlar başqa bir ölkədə insan oğurlamaqda ittiham olunurlar. Bu məcəlləyə görə ömürlük həbs cəzasına kimi verilə bilər.

Telegramda izləyin