"İran Azərbaycanda din pərdəsi altında casus şəbəkəsi yaratmağa çalışır"- Kamilə Əliyeva

"Bir neçə gün bundan əvvəl İran hərbi təyyarələrinin Azərbaycanla sərhəddə uçuş həyata keçirməsi göstərir ki, İran ölkəmizə qarşı təxribat hərəkətlərinə son qoymaq niyətində deyil. Bununla bağlı Azərbaycan Xarici İşlər Nazirliyi də İrana nota verdi. Azərbaycan dövləti İranın təxribatına siyasi yolla cavab verdi. Əgər İran İslam Respublikası (baxmayaraq ki, İslam Respublikası deməyə heç kimin dili gəlmir) bu təxribatları təkrarlayarsa və ya genişləndirməyə səy göstərsə, Azərbaycan ordusu layiqli cavab verəcək".

Bu sözləri Milli Məclisin deputatı Kamilə Əliyeva Sonxeber.az-a deyib.
Deputat həmçinin qeyd edib ki, İran Azərbaycanda din pərdəsi altında casus şəbəkəsi yaratmağa çalışır. İran heç bir zaman Azərbaycanın güclü dövlətə çevrilməsini istəməyib.

"İranda hakimiyyətdə olan molla rejimi hər zaman Azərbaycana qarşı düşmənçilik siyasəti həyata keçirib. Ermənistanın Azərbaycan torpaqlarını işğal etməsində də İranın rolu olub. İşğal dövründə üzdə Azərbaycanı dost adlandırıb, arxadan zərbə endirib. Ermənistana hər cür silah-sursat verən İran eyni zamanda Azərbaycanda din pərdəsi altında casus şəbəkəsi yaratmağa çalışır. İran bu gün də Azərbaycana qarşı çirkin niyyətlərindən əl çəkmir. Azərbaycanın Dövlət Təhlükəsizlik Xidməti, hüquq-mühafizə orqanları təxribatçı qüvvələri həbs edib. İranda Azərbaycan Səfirliyinə edilən terror hücumunun arxasında da İran dövlətinin dayanması tək bizə deyil, bütün dünyaya məlumdur. Bu gün Azərbaycan öz torpaqlarını işğaldan azad edən, iqtisadi, siyasi, hərbi cəhətdən güclü dövlətə çevrilib. İran heç bir zaman Azərbaycanın güclü dövlətə çevrilməsini istəməyib. Molla rejimi bilir ki, güclü Azərbaycan dövləti İranda yasayan soydaşlarımıza olunan zülmə biganə qalmayacaq. Son dövrlər İran Azərbaycana təhdidlərini artırıb. Ötən il İran Azərbaycanla sərhəddə hərbi təlimlər keçirərək öz aləmində ölkəmizə güc nümayişi etdirməyə çalışdı . Güclü ordusunun olduğunu iddia edən İranın əslində köhnə, sınıq-salxaq hərbi texnikalarının olduğunu şahidi olduq. Azərbaycan ordusunun İranla səhəddə bütün qoşun növlərindən ibarət dünyanın ən müasir silahları ilə təmin edilmiş hərbi hissələrinin keçirdiyi təlim İrana dərs olmalıdır" ,- deyə Kamilə Əliyeva bildirib.
İstiqamət: Azərbaycanın dövlətçilik tarixinin, milli adət-ənənələrinin, elm və mədəniyyətinin təbliği
Material Azərbaycan Respublikasının

dəstəyi ilə hazırlanmışdır.

Şəbnəm Lətifi

Telegramda izləyin