"Azərbaycan əsgərinə qarşı edilən zorakılıqla bağlı video dəhşətlidir"- Ferqus Auld

Böyük Britaniyanın Azərbaycandakı səfiri Ferqus Auld Azərbaycan əsgərinə Ermənistanda şiddət göstərilməsinə münasibət bildirib.

Sonxeber.az xəbər verir ki, Ferqus Auld sosial media hesabında bununla bağlı paylaşım edib.

"Azərbaycan əsgərinə qarşı edilən zorakılıqla bağlı yayılmış videonu izləmək dəhşətlidir. Beynəlxalq humanitar hüquq qanunlarına görə bu cür rəftar yolverilməzdir. Regionda dayanıqlı sülhə nail olmaq üçün bu kimi hallar pislənməlidir" ,- deyə səfir bildirib.

Qeyd edək ki, ötən gün Azərbaycan əsgərinin Ermənistanda şiddət görüntüləri yayılıb. Azərbaycanın Müdafiə Nazirliyi əsgərin yolunu azaraq Ermənistana keçdiyini bildirib.

Şəbnəm Lətifi

Telegramda izləyin