Millət vəkili Cavanşir Feyziyev "Avromed" şirkətinin səhmlərini satıb- Özü təsdiqlədi

Milli Məclisin deputatı, Avropa İttifaqı-Azərbaycan Parlament Əməkdaşlıq Komitəsinin həmsədri Cavanşir Feyziyev "Avromed" şirkətindən tamamilə ayrılması, səhmləri satması ilə bağlı yayəlan xəbərlərə aydınlıq gəyirib.

Sonxeber.az bildirir ki, teleqraf.com-un suallarını cavablandıran deputat bu xəbəriləri təsdiqləyib:

-Bu informasiya tamamilə düzgündür. Mən 2002-ci ildən 2010-cu ilədək "Avromed" şirkətinin həmtəsisçisi olmuşam və şirkəti idarə etmişəm. 2010-cu il parlament seçkilərindən sonra idarəçilikdən imtina etmişdim, çünki qanun bunu tələb edirdi. Ancaq Azərbaycan qanunvericiliyə görə, hər bir deputat təsisçilik hüququnu özündə saxlaya bilər. Ona görə də birinci 5 il müddətində təsisçilik hüququnu saxlayırdım, lakin "Avromed" şirkətinin idarəçiliyində iştirak etmirdim. Burada qanunazidd heç bir şey yoxdur.

2015-ci ildə növbəti parlament seçkilərindən sonra "Avromed"də təsisçilik hüququndan da imtina etmək qərarına gəldim. Sırf şəxsi qənaətim nəticəsində belə qərar verdim. Elə hesab edirəm ki, doğru qərar qəbul etmişəm. Bu şəxsi informasiya olduğu üçün mətbuata açıqlamağa ehtiyac görməmişdim. 2015-ci il seçkilərindən dərhal sonra öz səhmlərimdən imtina etdim. Bir ilə yaxın keçəndən sonra mətbuat bundan xəbər tutub və bu barədə informasiya yayımlanıb. Birinci mətbuat nümayəndəsisiniz ki, bu haqda soruşursunuz, ilk dəfədir özüm cavablayıram.

Telegramda izləyin