"Göz xəstəliklərinə səbəb olan əsas faktorlar bunlardır..." - VİDEOMÜSAHİBƏ

"Göz xəstəlikləri geniş mövzudur. Təbii ki, burada səbəblər və faktorlar çoxdur. Misal üçün, bizim uşaqlıq dövrlərində məktəblərdə, bir sinifdə 2-3 nəfər eynək taxırdısa, indi əksəriyyəti eynək taxır, 2-3 nəfər isə eynəksiz gəzir".

Bu sözləri oftalmoloq cərrah Elvin Yadigarov Sonxeber.az-a müsahibəsində son dövrlərdə artan göz xəstəliklərinin əsas səbəbləri barədə danışarkən qeyd edib.

O, bildirib ki, göz xəstəliklərinin yaranmasına səbəb olan bir neçə faktor var:

"Burada önəmli olan ilk növbədə genetik faktordur,yəni, qohum evlilikləridir. İkinci faktor isə uşaqların çox tez bir dönəmdə, ilk iki, üç yaşından etibarən telefon, planşet istifadəsidir. Üçüncüsü isə hipoksiya faktorudur. Bu isə oksgen çatışmazlığı səbəbi ilə yarana bilir. Qeyd edim ki, 20-30 il əvvəlin uşaqları asudə vaxtlarını açıq havada, oyunlar oynmaqla keçirirdilərsə, indikilər daha çox qapalı otaqlarda planşetlərdən istifadə etməklə vaxt keçirdirlər. Sadaladığım faktorların hər biri göz xəstəliklərinə, xüsusən də, eynək taxmağa səbəb olur. Eyni zamanda yanaşı xəstəliklər var ki, şəkərli diyabetdi, arteriyal təzyiqdir bunlar da göz problemlərinin artmasına səbəb olur".

Müsahibənin davamı:

Vüsalə İbrahimli

Telegramda izləyin