Kambocada qızıl mədənində 4 işçi ölüb

Kambocanın Kampong Thom bölgəsində qızıl mədənində baş verən çökmə nəticəsində 4 nəfər həyatını itirib.

Sonxeber.az xəbər verir ki, Kambocanın İnformasiya Naziri Khieu Kanharith sosial media hesabında verdiyi açıqlamada, bir cütlüyün Kampong Thom meşəlik ərazisində yerləşən Snong An kəndində qeyri-qanuni qızıl mədəni işlətdiyini deyib.

Açıqlamada mədəndə baş verən çökmə nəticəsində 4 işçinin həyatını itirdiyi bildirilib.

Snong An sakini Ven Srey Tith, lisenziyasız mədən fəaliyyətinin qanunsuz olduğunu və buna görə də səlahiyyətlilərin bu yaxınlarda kənd sakinlərinə bu ərazidə mədən çıxara bilməyəcəklərini söylədi.

Ven Srey Tith qeyd edib ki, kəndlilər maddi imkanları olmadığı üçün mədənçiliklə məşğul olmaq məcburiyyətində qalıblar.

Snong Anda 2012-ci ildən bəri mədən işlərinin aparıldığını bildirən Ven Srey Tith, daha əvvəl belə böyük qəzanın baş vermədiyini bildirib.

Telegramda izləyin