Rusiyada meşə yanğınları: 700 insan köməyə gəldi

Yanğınla bağlı vəziyyətin pisləşməsi ilə əlaqədar mayın 7-dən bütün Tümen vilayətində fövqəladə vəziyyət rejimi tətbiq edilib.

Bunu Tümen regionunun qubernatoru Aleksandr Moor deyib.

"Bölgədə meşə yanğınları ilə bağlı vəziyyət çətinləşib, çox isti, quraq hava və güclü külək vəziyyəti daha da ağırlaşdırır. Xüsusən də bu gün şiddətli küləyin əsməsi yanğını bir neçə saniyə ərzində sözün əsl mənasında yüzlərlə metr ətrafa yayıb. Yanğın yaşayış məntəqələrini və yaşayış binalarını əhatə edir", - məlumatda qeyd olunub.

***

700-dən çox insan və 200 texnika Kurqan vilayətində meşə yanğınlarının söndürülməsinə cəlb edilib.

Bu barədə Rusiya Fövqəladə Hallar Nazirliyini mətbuat xidməti məlumat yayıb.

Bildirilib ki, saniyədə 20 metrə çatan külək yanğının söndürülməsini çətinləşdirir və havanın temperaturu 28 dərəcəyə qədər qalxıb.

Axar.az

Telegramda izləyin