Avstraliya viza rüsumlarını 6-40 faiz artırır

Avstraliyanın iyun ayından etibarən viza müraciəti rüsumlarının 6 - 40 faiz artıracağı açıqlanıb.

Sonxeber.az ABC News-a istinadən xəbər verir ki, federal hökumətin dünən açıqladığı büdcədə ziyarətçi və immiqrant viza növləri üçün müraciət rüsumları artırılıb.

Büdcədə viza rüsumlarının 6-40 faiz artırılması ilə yaxın 5 ildə 665 milyon dollar gəlir əldə ediləcəyi və bunun viza prosesləri və digər dövlət xidmətlərinin inkişafında istifadə ediləcəyi bildirilib.

Bu çərçivədə ziyarətçi qısamüddətli iş vizası və təhsil vizası kimi qısamüddətli viza növlərinin ödənişlərində yüzdə 15 artım olacaq.

İnvestor və sahibkar viza növləri üzrə müraciət rüsumunda artım nisbəti yüzdə 40 olaraq müəyyən edilib.

Avstraliya Miqrasiya İnstitutunun vitse-prezidenti Con Paxinos, artımların dövlət gəlirləri üçün yaxşı olacağını, lakin Avstraliyaya gəlmək istəyən ailələrə çox ciddi zərbə vuracağını deyib.

Büdcəyə görə 2023-2024-cü illərdə daimi yaşayış icazəsi verilən mühacirlərin sayı əvvəlki ilə nisbətən 5 min nəfər azalaraq 190 min nəfər olub.

Telegramda izləyin