Putin rusiyalı hərbçiləri Baxmutun alınması ilə əlaqədar olaraq təbrik edib

"Bütün fərqlənən döyüşçülər dövlət mükafatlarına təqdim ediləcək..."

"Baxmut uğrunda döyüş Donbasın azad edilməsində ən miqyaslı döyüşlərdən biri olub..."

"Bu, həqiqətə uyğun deyil, bizim bölmələrimiz Baxmutda döyüşləri davam etdirir..."

Putin "Vaqner qrupu" özəl hərbi şirkətinin əməkdaşları və Rusiya ordusunu Artyomovsk (Baxmut) şəhərinin alınması ilə əlaqədar olaraq təbrik edib .

Bu barədə SİTA agentliyi Kremlin mətbuat xidmətinin məlumatından iqtibas gətirib

"Putin "Vaqner"in hücum dəstələrini, həmçinin onlara lazımi dəstək göstərmiş və cinahlardan müdafiə etmiş Rusiya Silahlı Qüvvələri bölmələrinin bütün hərbi qulluqçularını Artyomovskun azad edilməsi üzrə əməliyyatın başa çatması ilə əlaqədar olaraq təbrik edir...Bütün fərqlənənlər dövlət mükafatlarına təqdim ediləcək", - məlumatda deyilir.

SİTA həmçinin Rusiya Müdafiə Nazirliyi mətbuat xidmətinin Baxmutun alınması haqqında məlumatını dərc edib.

"Artyomovsk taktiki istiqamətdə "Vaqner"in həmlə dəstələrinin hücum əməliyyatları nəticəsində və Cənub qoşun qruplaşmasının artilleriyası və aviasiyasının dəstəyilə Artyomovsk şəhərinin azad edilməsi başa çatdırılıb", - məlumatda deyilir.

"Artyomovsk (Baxmut) şəhəri "DXR"-in şimalında yerləşir.

O, Ukraynanın Donbasda qoşun qruplaşmasının təchizatı üçün mühüm nəqliyyat qovşağı, Ukrayna Silahlı Qüvvələrinin güclü forpostu olub.

Baxmut uğrunda döyüş 2014-cü ildən Donbasın "azad edilməsi" müddətində ən miqyaslı döyüşlərdən biri olub.

Döyüşlərdən əvvəl şəhərdə 72 min sakin yaşayıb", - SİTA-nın məlumatında deyilir.

Dünən Ukrayna Müdafiə Nazirliyi Priqojinin Donetsk vilayətinin Baxmut şəhərinin alınması ilə bağlı bəyanatını təkzib edib.

Nazir müavini Anna Malyarın sözlərinə görə, Ukrayna qoşunları "bu rayonun müəyyən sənayə və infrastruktur obyektlərinə və özəl sektoruna nəzarət edir".

Baxmutun Rusiya qoşunları tərəfindən alınmasını USQ Şərq qoşun qruplaşmasının spikeri Sergey Çerevı da təsdiq eyməyib.

"Bu, həqiqətə uyğun deyil. Bizim bölmələrimiz Baxmutda döyüşləri davam etdirir", - "Reuters" agentliyi Çerevının sözlərindən iqtibas gətirir.

Moderator.az

Telegramda izləyin