Putinlə görüşdən sonra Lukaşenko ağır vəziyyətdə xəstəxanaya yerləşdirilib - Müxalifət

Belarus prezidenti Lukaşenko Rusiyanın dövlət başçısı Vladimir Putinlə görüşdən sonra ağır vəziyyətdə xəstəxanaya yerləşdirilib.

Bunu belaruslu müxalifətçi Valeri Tsepkalo deyib.

"Bizdə olan və dəqiqləşdirilməmiş məlumata görə, Putinlə bağlı qapılar arxasında keçirilən görüşdən sonra Lukaşenka təcili olaraq hazırda qaldığı Moskva Mərkəzi Klinik Xəstəxanasına aparılıb. Həkimlər onun vəziyyətini kritik qiymətləndiriblər. Belarus prezidentini normal vəziyyətə qaytarmaq üçün xəstəxanaya Rusiya və Belarusun ən yaxşı mütəxəssisləri göndərilib. Onun qanı yuyulub, Lukaşenkonun hərəkətsiz olduğu bildirilir. Belarus prezidentini xilas etmək üçün təşkil edilmiş tədbirlər onun zəhərlənməsində Kremlin əli ola biləcəyi ilə bağlı fərziyyələrin qarşısını almaq məqsədi daşıyırdı", - deyə Tsepkalo "Telegram"da yazıb.

Belarus müxalifətçisi vurğulayıb ki, Lukaşenkonun işə qayıtmasının heç bir əhəmiyyəti olmayacaq. Həkimlər mümkün residivlər barədə xəbərdarlıq edirlər.

Daha sonra müxalifətçi əlavə edib ki, Lukaşenkonun Rusiya Federasiyası Prezident Administrasiyasının Mərkəzi Klinik Xəstəxanasında qalmasını tibbi müayinədən keçirməklə izah etməyə çalışırlar.

"Belə bir versiyanın ortaya çıxması olduqca təbiidir. Bu xəstənin hələ də çətin olan real vəziyyətini gizlətmək cəhdi kimi dəyərləndirilə bilər. Əvvəl onun səhhətində yaranmış çətin vəziyyətdən çıxarmağa çalışıblar. Belə vəziyyətin şübhə doğurmaması üçün onun təyyarəsini hətta Minskə göndəriblər", - qeyd edib.

Mayın 9-da Rusiyada keçirilən parad zamanı çoxları Belarus prezidenti Aleksandr Lukaşenkonun xəstələndiyini gördü. O, çətinliklə hərəkət edirdi, həmçinin tədbirdən yarımçıq ayrılmışdı və Putinlə görüşə də gələ bilməmişdi.

Moskvadakı görüntülərdən bir neçə gün sonra Lukaşenko xəstəliyi ilə bağlı bəyanat yayıb. Onun sözlərinə görə, adenovirus xəstəsi olub, lakin tez-tez səfərlər etdiyi üçün müalicə olunmaq imkanı olmayıb.

Bizimyol.info

Telegramda izləyin