Rusiya Ermənistanda yeni atom elektrik stansiyasının tikintisi ilə bağlı maliyyə məsələlərini müzakirə etməyə hazırdır

Rusiyanın Baş naziri Mixail Mişustin Ermənistanın Baş naziri Nikol Paşinyanın da iştirak etdiyi "Avrasiya mənim evimdir" sərgisində bildirib ki, Rusiya Avrasiya İqtisadi İttifaqına üzv ölkələrin, o cümlədən Ermənistanın ərazilərində atom elektrik stansiyalarının tikintisinin maliyyə məsələlərini və parametrlərini müzakirə etməyə hazırdır.

Sonxeber.az xəbər verir ki, bu barədə erməni mətbuatı məlumat yayıb.

Hökumət başçılarına "Rosatom"un ən səmərəli zavodu, Rusiya-Belarus birgə layihəsi barədə məlumat verilib. Bu atom elektrik stansiyasında 1200 meqavat gücündə iki reaktor var. Birinci blok artıq istismara verilib, ikincisi isə sınaqdan keçirilir. Mişustin sərgidə Paşinyana bildirib ki, Belarus şirkətləri xərclərin 40%-dən bir qədər çoxunu maliyyələşdirir.

"Rosatom"un rəhbəri Aleksey Lixaçev bildirib ki, onlar Rusiya və MAQATE-nin ən ciddi normalarına - keyfiyyət, səmərəlilik və təhlükəsizlik qaydalarına riayət etməyə cavabdehdirlər.

Baş nazir Paşinyan deyib ki, ona Rosatom-un gücü 1200 MVt-dan aşağı olan reaktorlar təklif etmədiyi barədə məlumat verilib.

Lixaçev Paşinyana deyib ki, Rosatom 1000, 600 və ya 400 MVt gücündə reaktorlar tikə bilər, lakin bu, daha baha başa gələcək.

Telegramda izləyin