Ceyhun Bayramov və Toivo Klaar Ermənistan-Azərbaycan münasibətlərinin normallaşması prosesini müzakirə ediblər

Xarici işlər naziri Ceyhun Bayramov Avropa İttifaqının Cənubi Qafqaz üzrə xüsusi nümayəndəsi Toivo Klaar ilə görüşüb.

Sonxeber.az xəbər verir ki, Xarici İşlər Nazirliyindən verilən məlumata görə, görüş zamanı Ceyhun Bayramov və Klaar Ermənistan-Azərbaycan münasibətlərinin nizamlanması, beynəlxalq tərəfdaşların, o cümlədən Avropa İttifaqının iştirakı ilə aparılan danışıqların hazırkı vəziyyəti barədə fikir mübadiləsi aparıb, həmçinin regional təhlükəsizlik məsələlərini müzakirə ediblər.

Bəyanatda bildirilir ki, Aİ Azərbaycan və Ermənistan arasında münasibətlərin normallaşması prosesini dəstəkləyir və iki ölkənin siyasi rəhbərliyi arasında əlaqələrin davam etdirilməsi üçün gələcəkdə də səylərini əsirgəməyəcəyini bəyan edir.

Telegramda izləyin