İranlı nazir Şimal-Cənub beynəlxalq nəqliyyat dəhlizindən danışdı - Münasibətlərin soyuması...

"İran və Azərbaycan arasında münasibətlərdə soyuqluğun olması Şimal-Cənub beynəlxalq nəqliyyat dəhlizi layihəsinin tikintisi və başa çatdırılmasına təsir göstərməyəcək".

Bunu İranın yol və şəhərsalma naziri Mehrdad Bəzrpaş 26-cı Sankt-Peterburq Beynəlxalq konfransında deyib.

"Ümid edirik ki, heç bir mənfi təsir olmayacaq. Dünən mənim Azərbaycan baş nazirinin müavini, eyni zamanda İran və Azərbaycan arasında birgə komissiyanın rəhbəri olan cənab Mustafayevlə görüşüm oldu. Biz bir çox məsələləri ətraflı müzakirə etdik. İTC layihəsinin həyata keçirilməsi aspektlərindən danışdıq. Hər iki tərəf arasında yaranmış siyasi anlaşılmazlıqların layihənin həyata keçirilməsinə təsir etməyəcəyi barədə razılığa gəldik. O, Azərbaycanda İTC ilə bağlı işi ciddi şəkildə izləyəcəyini vəd edib", - deyə nazir bildirib.

Qeyd edək ki, ITC "Şimal-Cənub" Sankt-Peterburqdan Mumbay limanına (Hindistan) uzunluğu 7,2 min kilometr olan multimodal marşrutdur. ITC-nin üç marşrutu var: Transxəzər (dəmir yolları və limanlardan istifadə etməklə), Qərbi və Şərqi (yerüstü). 2023-cü ilin mayında Rusiya və İran Şimal-Cənub-Qərb dəmir yolunun son zəruri hissəsinin - İranda Rəşt-Astara hissəsinin tamamlanması ilə bağlı sənədlər imzalayıb.

Publika.az

Telegramda izləyin