"Gürcüstan hər zaman Ermənistan və Azərbaycan arasında vasitəçi olmağa hazırdır"- Qaribaşvili

"Gürcüstan Azərbaycan və Ermənistan arasında münasibətlərdə effektiv vasitəçi olmağa qadir olduğunu və lazım gələrsə, prosesə yenidən qoşulmağa hazır olduğunu göstərdi".

Sonxeber.az xəbər verir ki, bu sözləri Gürcüstanın Baş naziri İrakli Qaribaşvili deyib.

"İki il əvvəl biz şəxsən iştirak etdiyim Azərbaycan və Ermənistan arasında vasitəçiliyin ilk konkret nəticələrini göstərdik. Bu, belə demək mümkünsə, regionda nümunəvi vasitəçiliklərdən biri idi", - deyə Qaribaşvili deyib.

Baş nazir Gürcüstanın bundan sonra da vasitəçi rolunu oynamağa hazır olduğunu bildirib.

"Mən bu tribunadan tam hazır olduğumuzu bir daha açıq şəkildə təsdiqləmək istəyirəm. Lazım gələrsə, biz dostlarımız, iki ölkə arasında davam edən danışıqlarda bir daha vasitəçi kimi iştirak etməyə hazırıq", - deyə Qaribaşvili bildirib.

Telegramda izləyin