Regionun gələcəyini dini həmrəylik və müdrik sülh gündəliyi müəyyənləşdirir

Regionun gələcəyini dini həmrəylik və müdrik sülh gündəliyi müəyyənləşdirirSon illər Azərbaycan regional və qlobal miqyasda milli maraqlarını qətiyyətlə qoruyan qalib dövlət olmaqla yanaşı, həm də beynəlxalq müstəvidə sülhməramlı və mənəvi dəyərlərə söykənən təşəbbüslərin əsas mərkəzinə çevrilib. Paytaxt Bakıda Türk Dövlətləri Təşkilatının (TDT) müsəlman dini rəhbərləri Şurasının 7-ci toplantısının və dahi mütəfəkkir Seyid Yəhya Bakuviyə həsr olunmuş beynəlxalq konfransın eyni vaxtda keçirilməsi bu strateji kursun məntiqi davamıdır. Prezident İlham Əliyevin bu mötəbər tədbirlərin iştirakçılarını - Türk və Müsəlman aləminin dini liderlərini, tanınmış mütəfəkkirlərini və nüfuzlu beynəlxalq təşkilatların nümayəndələrini qəbul edərkən proqram xarakterli çıxışı bir daha göstərdi ki, Bakı təkcə siyasi və iqtisadi deyil, həm də mənəvi həmrəyliyin əsas platformasıdır.
Azərbaycan həm Türk dünyasının, həm də Qafqazın ayrılmaz, strateji tərkib hissəsidir. Prezident İlham Əliyev çıxışında xüsusi olaraq vurğuladı ki, Türk dünyası, Qafqaz regionu və İslam aləmi bir yerdə olduqda, bu sarsılmaz birliyə heç bir xarici qüvvə bata bilməz, heç kim bizə qarşı ədalətsizlik edə bilməz. Bu baxımdan, ölkəmiz İslam həmrəyliyini sadəcə bəyanatlarla deyil, konkret əməli-praktiki addımlarla möhkəmləndirir. İƏT və ICESCO xətti ilə keçirilən saysız-hesabsız tədbirlər, 2017-ci ildə Bakıda təşkil olunan IV İslam Həmrəyliyi Oyunları və qarşıdan gələn İƏT Zirvə Görüşü Azərbaycanın İslam aləmini vahid bir ailə kimi birləşdirmək iradəsini parlaq şəkildə nümayiş etdirir. Lakin bu birliyin və gücün arxasında Azərbaycan xalqının üzləşdiyi ağır tarixi sınaqlar və böyük Zəfər dayanır. 30 il ərzində torpaqlarımız Ermənistanın işğalı altında qalıb, xalqımıza qarşı etnik təmizləmə aparılıb və Xocalı soyqırımı kimi qanlı hərbi cinayətlər törədilib. İşğal olunmuş Qarabağda və Şərqi Zəngəzurda şəhərlərimiz, kəndlərimiz yerlə-yeksan edilib, milli sərvətlərimiz talan olunub. Ən ağrılısı isə 65 məscidimizin Ermənistan dövlət siyasəti səviyyəsində tamamilə dağıdılması, təhqir edilməsi, məscidlərdə bilərəkdən heyvanların saxlanılması idi. Bu vəhşilik təkcə Azərbaycan xalqına deyil, bütün İslam aləminə, müsəlmanların dini hisslərinə qarşı yönəlmiş açıq təhqir idi. Biz bu tarixi həqiqətləri heç vaxt unutmamalıyıq və unutmayacağıq.
Dünya birliyi və beynəlxalq təşkilatlar isə bu 30 illik ədalətsizliyə bilərəkdən göz yumub. BMT Təhlükəsizlik Şurasının qətnamələri kənarda qalmış, ATƏT-in Minsk qrupu işğalı əbədiləşdirməyə çalışmış, Avropa Şurası və Avropa Parlamenti faktiki olaraq işğalçını mükafatlandırıb. Ermənistana qarşı heç bir sanksiya tətbiq olunmadığı halda, Azərbaycan 2023-cü ilin sentyabrında öz suverenliyini tam bərpa etdikdən cəmi dörd ay sonra Avropa Şurasının ölkəmizə qarşı sanksiya qoyması Qərbin ikili standartlarının və dərinləşən islamofobiyanın əsl simasını göstərdi. Dövlətimizin başçısının da ifadə etdiyi kimi, Avropa Parlamenti rüşvətxorlar yuvasına çevrilib və bu gün Azərbaycana qarşı aparılan çirkin qarayaxma kampaniyaları müstəqil, baş əyməyən siyasətimizi həzm edə bilməməyin təzahürüdür.
Bütün bu təzyiqlərə və ikili standartlara baxmayaraq, Azərbaycan xalqı bir yumruq kimi birləşərək öz qanı və hərbi gücü hesabına ədaləti bərpa etdi, separatçılığın kökünü kəsdi və XX-XXI əsrlər tarixində nadir rast gəlinən bir presedent yaratdı. Bu gün separatçı rəhbərlər, hərbi cinayətkarlar Azərbaycan həbsxanalarında öz layiq olduqları cəzanı çəkirlər. Ən mühüm məqam isə odur ki, İkinci Qarabağ müharibəsində tam və mütləq qələbə qazanmasına, istənilən şərti diktə etmək gücündə olmasına baxmayaraq, Azərbaycan qisasçılıq deyil, regionda davamlı sabitliyi təmin edən müdrik sülh gündəliyini seçib. Mülki əhaliyə qarşı heç vaxt müharibə aparmayan xalqımız intiqamını yalnız döyüş meydanında alıb. Dövlətimizin sülh namınə atdığı bu cəsarətli və uzaqgörən addımlar beynəlxalq miqyasda da yüksək qiymətləndirilir. Prezident İlham Əliyevə təqdim edilən mötəbər "Zayed İnsan Qardaşlığı Mükafatı" və Əbu-Dabidə keçirilən təntənəli mərasim Azərbaycanın sülh gündəliyini praktiki müstəvi dəstəkləyən mühüm tarixi hadisə olub.
Bütün bunlar bir daha göstərir ki, mövcud qlobal xaotik proseslər fonunda müstəqilliyimizin, suverenliyimizin və sülh şəraitində yaşamağımızın yeganə zəmanəti sarsılmaz xalq iradəsi, hərbi güc, milli-mənəvi dəyərlərə sadiqlik və Türk-İslam dünyasının sıx həmrəyliyidir. Bakıdan ucalan bu qlobal mesaj təkcə regionumuzun deyil, bütün Müsəlman aləminin təhlükəsiz və ədalətli gələcəyinin yol xəritəsidir.

Ələddin Bəşirov - tarixçi


Sonxeber.az
Telegramda izləyin
Siyasət   Baxılıb: 521   Tarix: 17 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Prezident və xanımının şərəfinə rəsmi nahar verilib

Noyabrın 21-də Hanoyda Vyetnam Sosialist Respublikasının Prezidenti To Lamın və xanımı No Fon Linin adından Azərbaycan Respublikasının Prezidenti İlham Əliyevin və birinci xanım Mehriban Əliyevanın şərəfinə rəsmi nahar verilib. AZƏRTAC-a istinadən xəbər verir ki, prezidentlər tədbirdə çıxış ediblər

21 noyabr
.

Prezident İlham Əliyev Vyetnam Xəbər Agentliyinə müsahibə verib

Azərbaycan Respublikasının Prezidenti İlham Əliyev Vyetnam Xəbər Agentliyinə (VNA) müsahibə verib. AZƏRTAC-a istinadən müsahibəni təqdim edir:. - Hörmətli cənab Prezident, ikitərəfli əməkdaşlığın tarixində yeni mərhələnin başlanması ilə əlamətdar olacaq Vyetnama qarşıdakı rəsmi səfəriniz ərəfəsində Si

19 noyabr
.

İlham Əliyevlə xanımını belə qarşıladılar - Video - Fotolar

Azərbaycan Prezidenti İlham Əliyevin noyabrın 21-də Vyetnam Sosialist Respublikasının paytaxtı Hanoyda rəsmi qarşılanma mərasimi olub. "Qafqazinfo" xəbər verir ki, Vyetnamın və Azərbaycanın Dövlət bayraqlarının dalğalandığı meydanda Prezident İlham Əliyevin şərəfinə fəxri qarovul dəstəsi düzülmüşdü

21 noyabr
.

Prezident İlham Əliyev: "Vyetnam biznesinin Azərbaycan iqtisadiyyatında iştirakı münasibətlərin mühüm tərkib hissəsidir"

"Vyetnam biznesinin Azərbaycan iqtisadiyyatında iştirakı da ikitərəfli münasibətlərin mühüm tərkib hissəsidir". AZƏRTAC-a istinadən xəbər verir ki, bu fikir Prezident İlham Əliyev Vyetnam Xəbər Agentliyinə (VNA) müsahibəsində səsləndirib. "Tikinti və infrastrukturun inkişafı, həmçini

19 noyabr
.

Əliyev Vyetnam Milli Assambleyasının sədri ilə bir arada - Fotolar - Yenilənib

Azərbaycan Prezidenti İlham Əliyev bu gün Hanoyda Vyetnamın Milli Assambleyasının sədri Çan Tan Man ilə görüşüb. "Qafqazinfo" xəbər verir ki, bununla bağlı Prezidentin Mətbuat Xidməti məlumat yayıb. *. Görüşdə çıxış edən Milli Assambleyanın sədri Çan Tan Man deyib:. - Sosial və iqtisadi sahələrd

20 noyabr
.

Məsud Pezeşkian İranda Qərbi Azərbaycana qarşı ədalətsizlikdən danışdı - Video

İran Prezidenti Məsud Pezeşkian ölkənin əyalətləri arasında mövcud olan sosial-iqtisadi bərabərsizlikdən bəhs edərək, Qərbi Azərbaycan ostanının digər bölgələrdən geri qalmasını nümunə göstərib. xəbər verir ki, bu barədə İranın "Fars" informasiya agentliyi məlumat yayıb. Dövlət başçısının sözlərin

21 noyabr
.

25 Noyabr - Kəlbəcər Şəhəri Gününü qalib və güclü ölkənin vətəndaşları kimi qeyd etmək qürurvericidir

2020-ci il noyabrın 25-i Azərbaycan tarixinə Kəlbəcərin erməni işğalından azad edildiyi gün kimi yazılıb. Prezident İlham Əliyevin 2023-cü il iyulun 31-də imzaladığı Sərəncama əsasən, bu şanlı tarix Kəlbəcər Şəhəri Günü kimi qeyd olunur. Kəlbəcər 1930-cu il avqustun 8-də inzibati rayon statusu alıb

21 noyabr
.

Prezident Almaniyanın XİN rəhbərini qəbul etdi - Foto

Azərbaycan Prezidenti İlham Əliyev bu gün Almaniya xarici işlər naziri Yohan David Vadefulun başçılıq etdiyi nümayəndə heyətini qəbul edib. "Qafqazinfo" xəbər verir ki, qonaq, ilk növbədə, Almaniya Prezidenti Frank-Valter Ştaynmayerin və Federal Kansler Fridrix Mertsin salamlarını dövlət başçısın

17 noyabr
.

İki ölkə arasında iqtisadi münasibətlər yeni mərhələdə

Vyetnamın iqtisadi gücü, sənaye və istehsal potensialı, Azərbaycanın enerji resursları, tranzit imkanları və əlverişli coğrafi mövqeyi qarşılıqlı iqtisadi əməkdaşlığın genişləndirilməsi üçün ciddi zəmin yaradır. Prezident İlham Əliyevin Vyetnam Xəbər Agentliyinə verdiyi müsahibə iki ölkə arasında iqtisad

20 noyabr