Paşinyan Fransua Roşbluanı qəbul edib

Ermənistanın Baş naziri Nikol Paşinyan Fransa Milli Assambleyasının keçmiş üzvü, uzun müddət Fransa-Ermənistan parlament dostluq qrupunun sədri olmuş Fransua Roşbluanı qəbul edib.

Sonxeber.az xəbər verir ki, bu barədə erməni mətbuatı məlumat yayıb.

Paşinyan Roşbluanın Ermənistana səfərini alqışladı və onun Ermənistan və Fransa arasında əlaqələrin davamlı inkişafı və möhkəmlənməsində mühüm rolunu vurğulayıb.
Fransua Roşbluan səmimi qəbula görə təşəkkür edib və əlavə edib ki, bu gün onun üçün simvolikdir.
"Beş il əvvəl bu gün cənab Baş nazir, siz mənə Ermənistan Respublikasının pasportunu verdiniz. Mən yenidən Ermənistanda olmaq və fikir mübadiləsi aparmaq fürsətinə görə şadam", - deyə Roşbloyn bildirib.

Həmsöhbətlər Ermənistan-Fransa qarşılıqlı fəaliyyətinə, eləcə də qarşılıqlı maraq doğuran digər məsələlərə toxunublar.

Telegramda izləyin