"Alzheimer" peyvəndi siçanlar üzərində uğurla sınaqdan keçirildi

Tokiodakı Juntendo Universitetinin alimləri qocalmış beyin hüceyrələrini öldürən peyvənd hazırlayıblar. Siçanlar üzərində aparılan sınaqlar dərmanın beyində "Alzheimer" xəstəliyi ilə əlaqəli amiloid lövhələrinin miqdarını azaltdığını, həmçinin heyvanların şüurunu yaxşılaşdırdığını göstərib.

BAKU.WS xəbər verir ki, tədqiqatın nəticələri Amerika Ürək Assosiasiyasının elmi sessiyalarında təqdim olunub.

Yeni peyvənd yaşlanma ilə əlaqəli SAGP qlikoproteini hədəf alır.

Effektivliyini yoxlamaq üçün SAGP peyvəndi, "Alzheimer" xəstəliyi olan insanlarda görülənlərə bənzər beyin dəyişiklikləri olan siçanlara tətbiq edilib.

"Alzheimer"in inkişaf etmiş mərhələsində olan insanlarda narahatlıq hissi olmur, bu da ətraflarında baş verənlərdən xəbərdar olmamaları deməkdir.

Peyvənd olunan siçanlar narahatlıq keçiriblər, yəni onlar daha ayıq və ətrafdakı şeylərdən xəbərdar idilər, bu, xəstəliyin simptomlarının azaldığını göstərə bilər.

Həmçinin, davranış labirint testi sübut edir ki, SAGP ilə peyvənd edilmiş siçanlar plasebo peyvəndi alanlara nisbətən ətraf mühitə əhəmiyyətli dərəcədə daha yaxşı cavab verirlər.

Peyvənd nitqin işlənməsi, diqqət və problemlərin həlli üçün cavabdeh olan beyin qabığında beta-amiloid zəhərli zülalın yığılmasını nəzərəçarpacaq dərəcədə azaldıb.

Onun beyində toplanması və daha sonra lövhələrə yığılması əvvəllər demans əlamətləri ilə əlaqələndirilirdi.

Telegramda izləyin