"Abituriyentlər ixtisas seçərkən öz qəlblərinin səsini dinləməlidirlər"- Təhsil eksperti

"Abituriyentlər ixtisas seçərkən əsas öz qəlblərinin səsini dinləməlidirlər. Öz xarakterləri, qabiliyyətləri, bilik və bacarıqlarına ekvivalent bir ixtisas seçməlidirlər".

Bu sözləri təhsil eksperti Elçin Süleymanlı Sonxeber.az-a bildirib.

O qeyd edib ki, valideyn və ətraf mühit təsiri onların gələcək karyerası üçün müsbət effekt verməyə bilər:

"Abituriyentlər ixtisas seçərkən əsas öz qəlblərinin səsini dinləməlidirlər. Burda valideyn və ətraf mühit təsiri onların gələcək karyerası üçün müsbət effekt verməyə bilər. Öz xarakterləri, qabiliyyətləri, bilik və bacarıqlarına ekvivalent bir ixtisas seçməlidirlər. İki faktor əhəmiyyətlidir. Birincisi, DİM tərəfindən aldıqları imtahanı balı və ikincisi xarakter, fizioloji qabiliyyət. Çünki bəzən çox yüksək bal toplayan biri spesifik sahədə, məsələn, tibdə yaxşı mütəxəssis olmaya bilir. İlk öncə sahəni sevməlidir, ikicisi analitik düşüncə, qabiliyyət olmalıdır. Abituriyent kəşf etməlidir ki, hansı sahədə özünü daha xoşbəxt hiss edirsə, onu seçməlidir. İkinci məsələ "bu ixtisası ən yaxşı harada əldə edə bilər?" deyə müəyyənləşdirməlidir. Müəyyən ixtisaslar var ki, Azərbaycanda təhsil verən yerlər var və xaricə ehtiyac olmaya bilir. Amma elə ixtisaslar var ki, universitetlərimizdə infrastruktur, maddi-texniki baza müəyyən qədər çətinlik yaradır. Məsələn, gen mühəndisliyi, nanotexnologiyada universitetlərimizin maddi- texniki bazası, laboratoriyası dünyanın inkişaf etmiş universitetləri ilə rəqabətdə ayaqlaşmaya bilər. Üçüncüsü, ixtisasın gələcək perspektividir. Son illər müşahidə edirik ki, dəqiq elmlər, kompüter, texnologiya, kibertəhlükəsizlik üzrə mütəxəssislərə kifayət qədər ehtiyac var. Ekologiya, kənd təsərrüfatı, dron mühəndisliyi, marketinq,dizayn, dijital media, maliyyə, mühasibatlıq sahələrinə , xüsusilə iki və üç ixtisasın inteqrasiyasından formalaşan ixtisaslar tələb görə bilər. Əsrimiz informasiya əsridir. Kompüter proqramlaşdırma, kibertəhlükəsİzlik son illərdə sünki zəka ilə əlaqədar ixtisaslar əhəmiyyətlidir. Bakalavr ümumi təhsildir ve gələcək magistratura təhsilini istiqamətləndirir. Həm universitetdə, həm sertifikatlandırma proqramı üzrə özlərini inkişaf etdirməlidilər. İxtisasla bərabər kompüter və xarici dil də vacibdir. Bunları inkişaf etdirən universitet seçilməsi faydalı olar".

Şəbnəm Lətifi

Telegramda izləyin