Qətər Livan ordusunu 6 ay müddətinə yanacaqla təmin edəcək

Qətər, Livan ordusuna 6 ay müddətində 30 milyon dollar dəyərində yanacaq tədarükü üçün müqavilə imzalayıb.

Sonxeber.az xəbər verir ki, Qətərin rəsmi agentliyi olan QNA mövzu ilə bağlı hesabat yayıb.

Xəbərdə Qətər İnkişaf Fondunun Livan ordusuna 6 ay müddətində 30 milyon dollarlıq yanacaq təmin etmək üçün müqavilə bağladığı bildirilib.

Bildirilir ki, fond daha əvvəl ölkədəki bəzi səhiyyə müəssisələrinin yanacaq xərclərini qarşılayaraq Livan Səhiyyə Nazirliyinə dəstək verib.

İqtisadi böhran içində olan Livan, elektrik enerjisi istehsal edən elektrik stansiyalarını kifayət qədər yanacaqla təmin edə bilmədiyi üçün 2 ilə yaxındır ki, ciddi elektrik kəsilməsi ilə mübarizə aparır.

Telegramda izləyin