2016-cı ildə Belçikada terror aktlarına görə məhkum olunanların vətəndaşları geri alınacaq

2016-cı ildə Belçikada metro stansiyası və hava limanında törədilən, 32 nəfərin ölümünə səbəb olan terror aktlarına görə mühakimə olunan 4 nəfərin vətəndaşlığından çıxarılması üçün proses başlanır.

Sonxeber.az xəbər verir ki, işə baxan prokuror Belçika və Mərakeşdən olan ikili vətəndaşlığı olan Məhəmməd Abrini, Əli Həddad Asufi və Bilal Əl Makhuki, habelə Belçika və Ruanda vətəndaşlığı olan Hervu Bayinqana Muhirvanın Belçika vətəndaşlığının ləğvini tələb edəcəyini açıqlayıb.

Bu 4 nəfərdən əlavə, Belçika və Mərakeş vətəndaşlığı olan, lakin hazırda vəfat edən Üsamə Atarın da Belçika vətəndaşlığının ləğvi tələb ediləcəyi bildirilib.

2016-cı il martın 22-də Belçikanın paytaxtı Brüsseldə həyata keçirilən terror aktlarında 32 nəfər həyatını itirib, ən azı 300 nəfər yaralanıb.

2022-ci ilin noyabrında Brüsseldə başlanan hücumlara görə təqsirləndirilən şəxslərin məhkəmə prosesində qərar iyulun 25-də açıqlanıb.

Qərara əsasən, həbsdə mühakimə olunan Muhammed Abrini, Usama Krayem, Salah Abdeslam, Ali Haddad Asufi və Bilal El Makhuki və Usama Atar terror aktları törədərək qətl törətməkdə təqsirli biliniblər.

Bu şəxslərdən başqa Süfyan Ayari və Herve Bayinqana Muhirvanın da terror təşkilatına üzv olmaqda təqsirli bilindiyi açıqlanıb.

Belçika qanunlarına uyğun olaraq, bu gün başlayacaq məhkəmə prosesinin ikinci hissəsi nəticəsində bu şəxslərin cəzaları müəyyənləşəcək.

Telegramda izləyin