Həyat yoldaşını güllələyən kişi keçmiş arvadını da öldürübmüş

Türkiyədə Həsən Küçükyılmaz (59) qısqanclıq zəminində mübahisə etdiyi həyat yoldaşı Özlem Küçükyılmaz və qayınanası Nazife Çetingökə küçənin ortasında ov tüfəngi ilə atəş açaraq öldürüb

BiG.AZ xarici mediaya istinadən xəbər verir ki, H.Küçükyılmaz həyat yoldaşını və qayınanasını öldürdükdən sonra hadisə yerindən uzaqlaşıb.

Hadisə ilə bağlı araşdırma başlatan polis, şübhəli H.Küçükyılmazı yaxınlıqda olan ərazidə tapıb. Tutulacağını başa düşən Küçükyılmaz ov tüfəngi ilə başına atəş açaraq intihar edib.
Qeyd edək ki, H.Küçükyılmaz 15 il əvvəl birinci həyat yoldaşını öldürdüyü üçün həbs olunduğu öyrənilib.

Telegramda izləyin