Görünməmiş hadisə: İanə qutusundan insan kəlləsi çıxdı

ABŞ-ın Arizona ştatında qeyri-kommersiya təşkilatına edilən ianələr arasında insan kəlləsinin tapıldığı bildirilib.

BiG.AZ xarici mənbəyə istinadən xəbər verir ki, Feniksdə fəaliyyət göstərən "Goodwill" mağazasında ianə qutusunda insan kəlləsi aşkar edən işçilər polisə müraciət ediblər. Xəbərdən sonra çərşənbə axşamının gecə saatlarında mağazaya gələn polis kəlləni müayinə üçün götürüb.

Üst çənədəki bəzi dişlərin hələ də yerində olması, kəllə sümüyünün ləkələrlə örtülmüş sol göz yuvasına saxta gözün qoyulması diqqət çəkib. Polis sözçüsü Lisa Berry, Maricopa rayon Koroner Ofisində aparılan ilkin müayinədə, "əslliyi təsdiqlənən" kəllə sümüyünün kifayət qədər köhnə olduğunu və heç bir cinayətlə əlaqəsi olmadığını deyib. Bunun yanaşı tapıntının məhkəmə-tibbi əhəmiyyət daşımadığını açıqlayıb.

Kəllə sümüyünün müayinədən sonra aqibətinin necə olacağı hələ müəyyən edilməyib.

Telegramda izləyin