Paşinyan Avropa İttifaqının nümayəndə heyətinin rəhbəri ilə görüşüb

Ermənistanın Baş naziri Nikol Paşinyan Avropa İttifaqının Ermənistandakı nümayəndəliyinin rəhbəri, səfir Vasilis Maraqosla görüşüb.

Sonxeber.az xəbər verir ki, Paşinyan səfir Maraqosu Aİ-nin Ermənistandakı nümayəndəliyinin rəhbəri vəzifəsinə təyin olunması münasibətilə təbrik edib və ona fəaliyyətində uğurlar arzulayıb.

Paşinyan Ermənistan-Avropa İttifaqı əməkdaşlığına müxtəlif istiqamətlərdə, xüsusən də Ermənistanda davam edən demokratik islahatların irəliləyişi kontekstində önəm verib. Nikol Paşinyan əlavə edib ki, hərtərəfli islahatlar gündəliyi, o cümlədən Aİ-nin dəstəyi ilə uğurla həyata keçirilir. Paşinyan Aİ-nin Ermənistana 2,6 milyard dollarlıq investisiya paketində nəzərdə tutulan layihələrin intensivləşdirilməsinin vacibliyini vurğulayıb.

Ermənistan-Avropa İttifaqı əməkdaşlığı ilə bağlı müxtəlif gündəlik məsələləri də müzakirə edilib.

Şəbnəm Lətifi

Telegramda izləyin