Moskva Ermənistan-Rusiya-Azərbaycan xarici işlər nazirlərinin görüşünün təşkili imkanını nəzərdən keçirir

Moskva oktyabrın 12-də Qırğızıstanda keçiriləcək MDB sammiti çərçivəsində Ermənistan, Rusiya və Azərbaycan xarici işlər nazirləri arasında görüşün təşkili imkanını nəzərdən keçirir.

Sonxeber.az xəbər verir ki, bunu Rusiya xarici işlər nazirinin müavini Mixail Qaluzin RBC-yə müsahibəsində bildirib.

"Rusiya, Azərbaycan və Ermənistan arasında Ermənistan-Azərbaycan münaqişəsinin həlli məsələlərinin bütün kompleksi ətrafında dialoq heç vaxt dayanmayıb. Ümid edirik ki, belə əlaqələr davam edəcək. Biz bu il oktyabrın 12-də MDB-nin Bişkekdə keçiriləcək sammiti çərçivəsində xarici işlər nazirləri səviyyəsində belə müzakirələrin aparılmasının mümkünlüyünü müzakirə edirik. Azərbaycan tərəfi artıq öz prinsipial razılığını verib. Biz gözləyirik ki, Ermənistan tərəfi də bu məsələyə məsuliyyətlə yanaşsın və belə danışıqlarda iştiraka razı olsun", - deyə Qaluzin bildirib.

Şəbnəm Lətifi

Telegramda izləyin