"Bugünkü qürurverici anları bizə yaşatdığı üçün cənab prezident İlham Əliyevə təşəkkür edirəm" - Cavanşir Paşazadə

"Bu gün Azərbaycan xalqı olaraq növbəti möhtəşəm zəfərə şahidlik edirik. Artıq Azərbaycan üçrəngli bayrağı Xankəndində, Xocavənd şəhərində, Əsgəran qəsəbəsində, Sərsəng su anbarının ərazisində, Ağdərədə və Xocalı şəhərində dalğalanır".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, 30 ildən çoxdur ki, biz bu günün həsrətini yaşamışıq:

"Bugünkü qələbəmizi biz Ali Baş Komandana və Azərbaycanın Müzəffər Ordusuna borcluyuq. Artıq əminliklə deyə bilərik ki, şəhidlərimizin ruhu rahatdı. Ali Baş Komandanı İlham Əliyevin rəhbərliyi ilə Azərbaycanın Müzəffər Ordusu 44 günlük Vətən müharibəsində tarixi zəfərə imza ataraq yeni tarixi reallıqlar yaratdı. 3 il ərzində Ermənistana və Xankəndindəki qondarma rejimə öz xoşluğu ilə Azərbaycan dövlətinin şərtləri ilə razılaşmaları üçün kifayət qədər güzəşt edildi. Lakin bu 3 il ərzində onlar bir dəfə də olsa təxribatçı addımlarından əl çəkmədilər. Nəticədə Azərbaycan 24 saatdan da az bir zamanda keçirdiyi anterror əməliyyatı ilə son 3 il ərzində irəli sürdüyü şərtləri Ermənistana və onun yaratdığı qondarma rejimə qəbul etdirdi".

Deputat vurğulayıb ki, bu gün artıq Xocalı soyqırımını törədən cinayətkarlar Azərbaycan qanunları qarşısında cavab verir:

"İllərdir həsrətində olduğumuz Xankəndində, Xocalıda, Şuşada və digər işğaldan azad olunan şəhər rayonlarda bayrağımız dalğalanır. Bugünkü qürurverici anları bizə yaşatdığı üçün cənab prezident İlham Əliyevə təşəkkür edirəm"

Telegramda izləyin