"Bugünkü möhtəşəm zəfər və qürurlu anlar üçün Ali Baş Komandan İlham Əliyevə təşəkkür edirəm" - Emil Əkbərov

"Bu gün Azərbaycan xalqı növbəti möhtəşəm zəfərə şahidlik etdi. Biz bütün zəfərlərimizi Ali Baş Komandan İlham Əliyevə və Azərbaycanın Müzəffər Ordusuna borcluyuq".

Bunu Sonxeber.az-a danışan "BİG Media" MMC-nin direktoru Emil Əkbərov deyib.

Emil Əkbərov qeyd edib ki, artıq üçrəngli şanlı bayrağımız Xankəndində, Xocavənd şəhərində, Əsgəran qəsəbəsində, Sərsəng su anbarının ərazisində, Ağdərədə, Xocalı şəhərində və işğaldan azad etdiyimiz bütün ərazilərdə dalğalanır:

"Azərbaycan xalqı üçün bundan böyük xoşbəxtlik ola bilməz. Artıq bayrağımız işğaldan azad etdiyimiz bütün şəhər və rayonlarda, qəsəbələrdə dalğalanır. 44 günlük Vətən müharibəsinə qədər bütün bunlar bizim üçün xoş bir arzu idi. Amma bu gün Ali Baş Komandan İlham Əliyevin dəmir iradəsi və uğurlu siyasəti nəticəsində 30 ildən çoxdur ki, həsrətində olduğumuz torpaqlara geri qayıdırıq. Bu möhtəşəm zəfəri və qürurlu anları bizə yaşatdığı üçün Ali Baş Komandan İlham Əliyevə təşəkkür edirəm".

Telegramda izləyin