"Xankəndində bayrağımızın ucaldılmasını seyr edən hər bir şəxs qürur və sevinc hisləri keçirir" - DEPUTAT

"15 oktyabrda Xankəndində Azərbaycan dövlət bayrağının dalğalandırılması xalqımızın son 30 illik arzusunun həyata keçməsidir. 20 il əvvəl həmin tarixdə öz çiyninə məsuliyyətli və şərəfli bir vəzifəni götürən ölkə başçımız bu günü vəd etmişdi. 20 ildən sonra eyni gündə ölkə başçımız vədinə sadiq qalaraq bayrağımızı Xankəndində ucaltdı".

Bunu Sonxeber.az-a danışan deputat Azər Badamov bildirib.

Deputat qeyd edib ki, dünən cənab prezidentin İlham Əliyevin xalqımıza yaşatdığı sevinc hissləri sözlə ifadə olunası deyil:

"Xankəndində bayrağımızın ucaldılmasını seyr edən hər bir şəxs qürur və sevinc hisləri keçirir. Bayrağımızın Xankəndində dalğalandırılması Ulu Öndər Heydər Əliyevin 100 illiyində baş verir. Ümumimilli Lider Heydər Əliyev Qarabağa qayıdacağımızı hər zaman deyirdi. 1 oktyabr 2003-cü ildə xalqa çağırış edərək "Mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev baş çatdıra biləcək" demişdi. 15 oktyabrda Xankəndində bayrağımız dalğalandırması Ümummili Liderin ən böyük arzusunun reallaşması deməkdir".

Deputat vurğulayıb ki, bayrağımızın Xankəndində dalğlanadırılması üçün çətin, əzablı və şərəfli bir yol keçməli olduq:

"Prezident İlham Əliyevin rəhbərliyi altında Azərbaycanın iqtisadi və siyasi müstəqilliyə nail olunması bu günki qələbəni yaşamağımıza yol açdı. Azərbaycan inkişaf etdi, gücləndi, dünyada mövqelərini möhkəmlətdi, haqq sözünü dünyaya qəbul etdirdi və döyüş meydanında torpaqlarını erməni işğalında azad etdi. Bu gün Azərbaycanın bütün ərazilərində suverənlik təmin edilmişdir. Hər yerdə bayrağımız dalğalanır. Azərbaycan bayrağı sülh, inkiaf və intibah gətirir. Üç ildir ki, bayrağımız işğaldan azad olunmuş ətrazilərdə dalğalandıqca bu ərazilərə sülh inkişaf və yenidən həyat qayıdır. Artıq ərazilərimizdə boz zonalar yoxdur. Xankəndi də bayrağımızın altında sülh və sabitlik məkanı olacaq. Xankəndi də inkişafa qovuşacaq və vətəndaşlarımız qayıdaraq təhlükəsizlik şəraitində həyatlarına davam etdirəcəklər. Bütün bu uğurlara "Nəyi, necə və nə zaman etməyi yaxşı bildiyi" Prezident İlham Əliyevin sayəsində nail olmuşuq. Allah Prezidentimizi qorusun! Yaşasın müstəqil, gücül Azərbaycan!"

Telegramda izləyin