Kürdəmirin sabiq icra başçısının cəzaçəkmə növü dəyişib

Kürdəmir Rayon İcra Hakimiyyətinin sabiq başçısı Ceyhun Cəfərovun cəzaçəkmə növünün dəyişdirilməsi ilə bağlı müraciətinə baxılıb.

Sonxeber.az xəbər verir ki, Nizami Rayon Məhkəməsində onun müraciəti təmin edilib.

Belə ki, Ceyhun Cəfərovun cəza çəkdiyi ümumi rejimli cəzaçəkmə müəssisəsindən məntəqə tipli cəzaçəkmə müəssisinə keçirilməsi ilə bağlı qərar qəbul edilib.

Qeyd edək ki, sabiq icra başçısı və Kürdəmir rayonunun digər vəzifəli şəxsləri Baş Prokuror yanında Korrupsiyaya Qarşı Mübarizə Baş İdarəsi tərəfindən 2020-ci ilin avqust ayında keçirilən əməliyyatla həbs olunub.

Lənkəran Ağır Cinayətlər Məhkəməsinin hökmü ilə sabiq icra başçısı Ceyhun Cəfərov səkkiz il altı ay müddətinə azadlıqdan məhrum edilib.

Şirvan Apellyasiya Məhkəməsi Ceyhun Cəfərovun cəzasını altı ilə endirilib.

Ali Məhkəmə isə Ceyhun Cəfərovun cəzasını azaldaraq üzərində qəti olaraq dörd il altı ay azadlıqdan məhrumetmə cəzası saxlayıb./Oxu.az

Telegramda izləyin