"Şuşa döyüşləri Azərbaycan tarixinə qəhrəmanlıq səlnaməsi kimi həkk olunub" - DEPUTAT

"Noyabrın 8-i Azərbaycan tarixinə qızıl həriflərlə qeyd edilib".

Bunu Sonxeber.az-a danışan deputat Cavanşir Paşazadə bildirib.

Deputat vurğulayıb ki, Azərbaycan Respublikasının Prezidenti, Ali Baş Komandan İlham Əliyevin 2020-ci il 3 dekabr tarixli Sərancamı ilə xalqımız hər il noyabrın 8-ni Zəfər Günü kimi qeyd edir:

"Ermənistanın növbəti hərbi təcavüzünə cavab olaraq 2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqımızın birliyi və ordumuzun gücü nəticəsində zəfərlə sona çatdı. Cənab prezident İlham Əliyevin 20 illik gərgin əməyinin nəticəsində ərazi bütövlüyümüz bərpa edildi, soydaşlarımız öz doğma yurd-yuvalarında qovuşdu. Hazırda işğaldan azad edilmiş ərazilərin bərpası, zəruri infrastrukturun yaradılması və əhalinin doğma torpaqlarına qayıdışı istiqamətində genişmiqyaslı tədbirlər davam etdirilir. Bu gün soydaşlarımız böyük sevinc və qürurla öz dədə-baba torpaqlarına geri qayıdır".

Deputat qeyd edib ki, 44 günlük Vətən müharibəsi Azərbaycan xalqının və ordusunun gücünü bütün dünyaya göstərdi:

"Vətən müharibəsində Ali Baş Komandan İlham Əliyevin rəhbərliyi ilə Azərbaycanın Müzəffər Ordusu ərazi bütövlüyümüzü bərpa edərək xalqımızın 30 illik böyük bir həsrətinə son qoyaraq qəhrəmanlıq dastanı yazdılar. Xüsusilə də Şuşa döyüşlərində.

Şuşa döyüşləri İkinci Qarabağ müharibəsində Azərbaycan Ordusunun qələbəsi ilə nəticələnən ən uğurlu əməliyyatlardan biridir. Ən ağır döyüşlər Şuşa uğrunda getdi. Bilirsiniz ki, Şuşa döyüşlərində heç bir ağır hərbi texnikadan istifadə olunmadı. Azərbaycanın mərd oğulları oğullarımız yüngül silahlarla qalın meşələri, qayaları, dağlar aşaraq düşməni üzbəüz döyüşdə məhv edərək Şuşanı düşməndən təmizlədi. Məhz buna görə də Şuşa döyüşləri Azərbaycan tarixinə qəhrəmanlıq səlnaməsi kimi həkk olunub. Biz əldə etdiyimiz bütün zəfərlərimizi Ali Baş Komandan İlham Əliyevə, Müzəffər Ordumuza, şəhid və qazilərimizə borcluyuq".

Telegramda izləyin