"Ermənistan hökuməti və onun tərəfdarları cinayətkarların həbsini pərdələmək məqsədilə onları siyasi məhbus adlandırmağa çalışır" - Deputat

"Azərbaycan hökuməti tərəfindən 30 il bundan əvvəl xalqımıza qarşı ağır cinayətlər törətmiş şəxslər, həmçinin müharibə cinayəti törətmiş seperatçılar həbs olunub".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, onların hər biri Azərbaycan qanunvericilliyinin tələbinə uyğun olaraq da cəzalandırılacaqdır:

"İndiki situasiyada Ermənistan hökuməti və onun tərəfdarları bu cinayətkarların həbsini pərdələmək məqsədilə onları siyasi məhbus adlandırmağa çalışır. Lakin bütün hallarda Azərbaycan hökuməti beynəlxalq hüquqdan irəli gələn müddəalara əsaslanaraq bu cinayətkarların cəzalandırılmasını təmin edir. Görünən odur ki, Azərbaycanın ədalətli və beynəlxalq öhtəliklərə uyğun olaraq xalqımıza qarşı törədilmiş cinayətlərin cəzasını almağını təmin edir. Düşünürəm ki, burada heç bir siyasi məhbusluqdan söhbət belə gedə bilməz. Mən əminəm ki, əgər bu gün Azərbaycan dövləti bu seperatçıları layiqli şəkildə cəzalandırılmasını təmin etməsə bu növbəti cinayətlərə yol açacaq və şərait yaradacaqdır".

Telegramda izləyin