"Gürcüstan hakimiyyəti Qərbin sifarişini uğurla həyata keçirir" - Sədrəddin Soltan

Gürcüstanın xarici işlər naziri İliya Darçiaşvili Azərbaycanda narazılıq yaradan Fransanın Gürcüstan ərazisindən keçməklə Ermənistana zirehli texnika göndərməsinə münasibət bildirib.
O,Gürcüstanın hər iki ölkəyə öz tranzit marşrutlarından bərabər şəkildə istifadə etməyə icazə verdiyini və hər bir ölkənin müdafiə qüvvələrinə malik olmaq, beynəlxalq müqavilələrə əsasən icazə verilən silahlar əldə etmək hüququ olduğunu deyib.

Mövzu ilə bağlı Sonxeber.az-a danışan siyasi şərhçi Sədrəddin Soltan bildirib ki , Gürcüstan hakimiyyəti Qərbin sifarişini uğurla həyata keçirir. Çünki 44 günlük müharibə dövründə Gürcüstan Rusiyadan gələn hərbi texnikanın Ermənistana keçməsinə icazə verməmişdi. Deməli, Gürcüstan Rusiyadan gələn silahın Ermənistan ərazisinə keçməsinə icazə verməyə bilirdisə, Fransadan gələn silahın da qarşısını almaq üçün maneə yarada bilərdi.

"Ermənistan qonşu ölkələrə ərazi iddiası etdiyindən onun silahlanması regionun təhlükəsizliyinin təhdid edilməsi ehtimalını artırır. Ermənistan təxminən 5-6 il öncə Cavaxetiyada, yəni Gürcüstan ərazisində etnik məsələləri qaldırmışdı və Gürcüstanın ərazi bütövlüyünü təhdid edirdi. Ermənistanın yenidən silahlanması Gürcüstanın ərazi bütövlüyünə təhdid deməkdir. Gürcüstan hakimiyyətinin verdiyi bəyanat qonşu ölkələrin, eləcə də regionun təhlükəsizliyinin nəzərə alınmamasıdır. Gürcüstan hakimiyyəti Qərbin sifarişini uğurla həyata keçirir. Çünki 44 günlük müharibə dövründə Gürcüstan Rusiyadan gələn hərbi texnikanın Ermənistana keçməsinə icazə verməmişdi. Deməli, Gürcüstan Rusiyadan gələn silahın Ermənistan ərazisinə keçməsinə icazə verməyə bilirdisə, Fransadan gələn silahın da qarşısını almaq üçün maneə yarada bilərdi. Bu, Gürcüstanın ayrı-seçkiliyidir və Azərbaycanın təhlükəsizliyinin nəzərə alınmamasıdır. Gürcüstanın bəyanatı atılmış yanlış addıma haqq qazandırmaq cəhdidir. Azərbaycan Gürcüstanla münasibətləri kəsməyəcək. Sadəcə olaraq bu, münasibətlərə kölgə salan hərəkətdir və Gürcüstana olan etimadı azaldır" ,- deyə siyasi şərhçi qeyd edib.

Şəbnəm Lətifi

Telegramda izləyin